
Bîlgen: Azadî tune be, ked jî tuneye 

2019-05-01 15:45:55


	QERS - Hevşaredarê HDP’ê yê Qersê Ayhan Bîlgen, di pîrozbahiya 1’ê Gulanê ya bajêr de axivî û got: “Azadî tune be, ked jî tuneye. Ger hûn mafê karkeran biparêzin, divê hûn bi vê re mafê Kurdan jî biparêzin.”

	&nbsp;

	1’ê Gulanê Roja Kedkarên Cîhanê îsal li Qersê bi coş hat pîrozkirin. Pîrozbahî li Qada Cumhuriyetê ji aliyê Platforma Demokrasî û Kedê ya Qersê ve hat pîrozkirin. Hevşaredarê Qersê Ayhan Bîlgen, Hevşaredara Îdirê Eylem Çelîk, Serokê Şaredariya Cilawûz ê CHP’ê Orhan Yantemûr û gelek kes beşdarî pîrozbahiyê bûn.&nbsp;

	&nbsp;

	Serokê Komîteya Amadekar a 1’ê Gulanê Yilmaz Ince destpê kê di pîrozbahiyê de axivî û 1’ê Gulanê li hemû karker û kedkaran pîroz kir.&nbsp;

	&nbsp;

	'PERDEYA TARÎTIYÊ DI 31’Ê ADARÊ DE ÇIRIYA'

	&nbsp;

	Pişt re Serokê Şaredariya Cilawûz ê CHP’î Orhan Yantemûr axivî û wiha got: “Ciwanên me hemû bêkarin, karkar birçîne û rewşa gundiyan perîşane. Krîza aborî her ku diçe kûrtir dibe. Ger em têbikoşin, maf, ked û edalet ne &nbsp;dûrin.”&nbsp;

	&nbsp;

	‘DIVÊ HÛN MAFÊ KURDAN JÎ BIPARÊZIN’

	&nbsp;

	Dûre Hevşaredarê Qersê Ayhan Bîlgen axivî û bal kişand ser bêmafiyên li dijî karker, xebatkar û kedkaran. Bîlgen, diyar kir ku ger ew kedê nebînin, dê nekarin biparêzin û wiha got: “Ger azadî tune be, ked jî tuneye. Ger hûn mafê karkeran biparêzin, divê hûn bi vê re mafê Kurdan jî biparêzin. Ji çareseriya pirsgirêkan em bi xebitin.”

	&nbsp;

	Piştî axaftina Bîlgen hunermend Servet Kocakaya derket ser dikê. Mîtîng piştî stranên Kocakaya bi dawî bû.&nbsp;

	&nbsp;