
Xizmên girtiyan li Pirsûsê dest bi çalakiya nobetê kirin

2019-04-27 16:24:10


	&nbsp;

	RIHA - Malbatên zarokên wan li girtîgehan di greva birçîbûnê dene, li avahiya HDP’ê ya Pirsûsê dest bi çalakiya nobetê kirin.&nbsp;

	Malbatên girtiyên li dijî tecrîdkirina Rêberê PKK’ê Abdullah Ocalan di greva birçîbûnê ya bêdem û bêdorveger dene, li avahiya Partiya Demokratîk a Gelan (HDP) ya Pirsûsa Riha dest bi çalakiya nobetê kirin.&nbsp;

	&nbsp;

	Parlementera HDP’ê ya Rîha Ayşe Surucu, Endamên Meclîsa Dayîkên Aştîyê ya Pirsûsê û gelek welatiyan piştgirî dan çalakiya malbatan. Xizmên girtiyan, berî dest bi çalakiya nobetê bidin, daxuyanî dan çapemeniyê.

	&nbsp;

	Parlementera HDP’ê Ayşe Surucu, destpê kê axivî û wiha got: “Rewşa girtiyan asta krîtîkbûnê derbas kiriye. Îro malbatên girtiyan ji bo zarokên xwe yên di greva birçîbûnê de, dest bi çalakiya &nbsp;rûniştinê kirin. Daxwazên çalakgerên greva birçîbûnê daxwazên me ne. Emê heya dawiyê li gel malbatên girtiyan bin.”

	&nbsp;

	Piştî Surucu birayê Nîhat Ekmez ê 127 rojin li Girtîgeha Hejmara 2 a Tîpa T a Şakranê di greva birçîbûnê deye, Serhat Ekmez, axivî û diyar kir ku ji bo demokrasî û aştî li vî welatî pêk were, bedena xwe &nbsp;ji mirinê re razandine. Ekmez, dest nîşan kir ku ji bo ew bibin dengê girtiyên di greva birçîbûnê de, wan dest bi çalakiya rûniştinê kirin.

	&nbsp;

	Bavê Ekmez, Mahmût Ekmez jî, xwest ku hemû kesên dibêjin “ez jî dikarim” bikevin nava tevgerê û ji bo bibin dengê zarokên xwe, divê tevbigerin.&nbsp;

	&nbsp;

	Di daxuyaniyê de hat diyarkirin ku, bi şev û rol çalakiya nobetê dê berdewam bike.&nbsp;

	&nbsp;

	&nbsp;