
'Li şûna hûn polîsan datînin pêşiya me hiqûqê pêk bînin’ 

2019-04-26 15:49:34


	&nbsp;

	KOCAELÎ – Çalakiya nobetê ya malbatên girtiyan li Gebzeyê carek din ji aliyê polîsan ve hat astengkirin. Malbatan got: “Li şûna ku hûn polîsan datînin pêşiya me, hiqûqê pêk bînin.”&nbsp;

	&nbsp;

	Malbatên girtiyên li dijî tecrîdkirina Rêberê PKK’ê Abdullah Ocalan di greva birçîbûnê de li ber Girtîgeha Tîpa M a Gebzeyê di roja 18’emîn de çalakiya nobetê dewam kirin. Malbat û Parlamentera HDP’ê û Hevberdevka HDK’ê Gulîstina Kiliç Koçyigît, Wekîla Seroka Koma HDP’ê Fatma Kurtulan, Berdevkê HDP’ê Saluhan Oluç, parlamenterên HDP’ê Zuleyha Gulum û Oya Ersoy, parêzerên Baroya Stenbolê û gellek kes beşdarî çalakiyê bûn. Malbatên xwestin biçin ber girtîgehê ji aliyê polîsan ve hatin astengkirin.&nbsp;

	&nbsp;

	Polîsan tenê destûr da wekîl û parêzeran lê destûr neda malbatan. Wekîl û parêzer demek li ber girtîgehê sekinîn. Pişt re xwestin werin gel malbatan, polîsan destûr neda wekîl û parêzer û malbat bên gel hev û hevdîtina wan asteng kir.

	&nbsp;

	Gulîstan Koçyigît bertek nîşanî pêkanîna polîsan da û got: “Ev însan mafên xwe yên makeqanûnî yên aştiyane bikar tînin. Qerara walî li dijî makeqanûnê ye. Hûn nikarin makeqanûnê asteng bikin.”&nbsp;

	&nbsp;

	BI DIRÛŞM Û LÎLANDINÊ HELWESTA POLÎSAN ŞERMEZAR KIRIN&nbsp;

	&nbsp;

	Malbatan jî helwesta polîsan bi lîlandin û dirûşman protesto kir. Malbat ji ber girtîgehê derbasî avahiya Rêxistina HDP’ê ya Navçeya Gebzeyê bûn û daxuyanî dan. Gulîstan Koçyigît li ser navê malbatan axivî û got: “Kerbûn, korbûn û lalbûna hikumetê ya li dijî grevên birçîbûnê dewam dike. Qey tu yê bêjî pêvajoyek wiha nîne. Ev bêhiqûqiyek çawa ye? Însan li dijî tecrîdkirinê û astengkirina mafên jiyanê di greva birçîbûnê de ye. Lê dixwazin daxwaza rewa ya dayikan bi hêza polîsan bitepisînin. Li şûna ku hûn polîsan datînin pêşiya me, hiqûqê pêk bînin.”&nbsp;

	&nbsp;

	Parêzer endamê Komeleya Hiqûqnasan a Ji Bo Azadiyê (OHD) Înan Poyraz jî axivî û got: “Em ê parêzertiya gelê kurd berdewam bikin.”&nbsp;

	&nbsp;

	Piştî daxuyaniyê malbatan dawî li çalakiya xwe îro anî û diyar kirin ku dê sibê jî li heman cihî çalakiya xwe dewam bikin.&nbsp;

	&nbsp;