
Li Rojava Rojên Sînemayê 

2017-11-14 10:01:48


	QAMIŞLO - 2’yemîn Mîhrîcana Fîlmên Rojava di salvegera Komkujiya Sînema Amûdê ku duh dest pê kir didome.&nbsp;

	Bi pêşengtiya Komuna Fîlman a Rojava û Yekîtiya Çand û Hunera Demokratîk a Cizîrê, 2’yemîn Mîhrîcana Fîlman a Rojava di salvegera Komkujiya &nbsp;Sînema Amûdê de duh dest pê kiribû îro bi bernameyên cûda didome. Mîhrîcan li Navenda Çand û Hunerê ya &nbsp;Mihemed Şêxo ya li Qamişlo dest pê kir. Nûnerên Rêveberiya Xweseriya Demokratîk, TEV-DEM, partiyên siyasî, şervanên YPG'ê yên birîndar û gelek welatî beşdarî mîhrîcanê bûn. &nbsp;Piştî deqeyek rêzgirtinê, bi zimanên Kurdî, Erebî û Îngilîzî beşdar hatin silavkirin. Hevseroka Konseya Rêveber a TEV-DEM'ê Asya Ebdullah li mîhrîcanê de axivî û qurbaniyên Komkujiya Sînema Amûdê bi bîr anî. Ebdullah ji ber erdheja li Rojhilat û Başûrê Kurdistanê sersaxî ji malbatên qurbaniyan re jî xwest.

	&nbsp;

	Hevseroka Desteya Çand û Hunerê ya Cizîrê Bêrîvan Xalid jî destnîşan kir ku mîhrîcan wê di pêşketina sînemeya Rojava de xwedî girîngiyek mezin be.

	&nbsp;

	Li dû axaftinan, navê fîlmên bên nîşandan û derhênerên wan hatin xwendin.&nbsp;

	&nbsp;