
Ji bo xwarin û çerezê wezîrên AKP’î milyonek û 588 TL hat xerckirin

2019-04-23 13:07:57


	MÊRDÎN – Derket holê ku qeyûmê Şaredariya Mêrdînê Mustafa Yaman ku di heman demê de waliyê Mêrdînê ye di nava 3 mehên dawî de ji bo hatina “pêşwazîkirina” wezîrên AKP’î milyonek û 588 TL pere xerc kir.&nbsp;

	Şaredariya Bajarê Mezin a Mêrdînê ku di hilbijartina xwecihî ya 31’ê Adarê de ket destê rêveberiya HDP’ê çend roj berê deynê qeyûm-waliyê Mêrdînê Mustafa Yaman ku bi ser milyonek pere xerc kiriye bi raya giştî re parve kiribû.&nbsp;

	&nbsp;

	Li gel deynên giran ên qeyûm di nava 3 mehên dawî da xerckirinên ji nivîsgeha taybet a şaredariyê ku kirine jî hat eşkerekirin. Derket holê ku qeyûm di pêvajoya hilbijartina xwecihî de ji bo hatina pêşwazîkirina wezîrên AKP’î milyonek û 588 TL pere xerc kiriye.&nbsp;

	&nbsp;

	HEQÊ ÇEREZÊN 3 MEHAN 164 HEZAR 550 TL YE

	&nbsp;

	Pereyê ku ji çerez û qahwê hatiye veqetandin balê dikişîne ser xwe. Rêveberiya qeyûm di meha çile de 34 hezar û 550 TL, di meha sibatê de 73 û 900 TL û dî meha adarê de jî 56 hezar û 100 TL bi giştî 164 û 550 TL ji bo çerez û qahwê xerc kiriye.&nbsp;

	&nbsp;

	HEQÊ XWARINA DU WEZÎRAN 316 HEZAR TL YE

	&nbsp;

	Her wiha rêveberiya qeyûm a şaredariyê ji bo hatina pêşwazîkirina AKP’iyan jî pereyek zêde xerc kiriye. Li gorî vê yekê di 27’ê çile de ji bo hatina Wezîrê Parastina Millî Hulusî Akar a Mêrdînê ji butçeya şaredariyê bi 40 û 500 TL wesayît hatine kirêkirin û xerckirin. Di 22’ê sibatê de jî ji bo Akar 147 hezar TL pere xerc kirin. Tê gotin vî pereyî ji bo xwarina Akar û yên pêre xerc kirine.&nbsp;

	&nbsp;

	Her wiha di 12’ê adarê de ji bo hatina Wezîrê Ciwan û Werzîşê Mehmet Muharrem Kasapoglu û yên pê re jî ku hatine Mêrdînê li ser xwarin û lêçûyînên wan 169 hezar TL hatiye xerckirin.&nbsp;

	&nbsp;

	JI BO AKP’IYAN 608 Û 750 TL HAT XERCKIRIN&nbsp;

	&nbsp;

	Wezîrê Karê Hundir Suleyman Soylu di 19’ê çile de çûye Mêrdînê. Ji bo hatina Soylu di bin navê “xizmetê” de ji butçeya şaredariyê 247 hezar TL pere hatiye xerckirin.&nbsp;

	&nbsp;

	Ji bo hatina Alîkarê Wezîrê Çand û Turîzmê Haluk Haluk Dursun ê di 19’ê sibatê de çû Mêrdînê 121 hezar û 270 TL pere hatiye xerkirin.&nbsp;

	&nbsp;

	Ji bo Parlamenterê AKP’ê yê Qersê Ahmet Arslan ê di 18’ê sibatê de çûye Mêrdînê ji butçeya şaredariyê di bin navê “xizmetê” de 107 û 900 TL pere hatiye xerckirin.&nbsp;

	&nbsp;

	Parlamenterê AKP’ê yê Mereşê Mahîr Unal jî di 12’ê Çile de ji bo xebatên hilbijartinê çûye Mêrdînê û ji bo wî jî 132 hezar û 580 TL pere hatiye xerckirin.&nbsp;

	&nbsp;

	HEQÊ XWARINA KEYAYAN JÎ JI ŞAREDARIYÊ DANE&nbsp;

	&nbsp;

	Qeyûm û walî Mustafa Yaman li Mêrdînê bi keyayên herêma Mêrdînê re civîn li dar xistibû. Ji bo xwarina civîna keyayan ji butçeya şaredariyê 150 û 800 TL pere hat xerckirin.&nbsp;

	Di çarçoveya xebatên “Rojên Civaka Sivîl” de 307 û 540 TL pere hatiye xerckirin.&nbsp;

	&nbsp;