
‘Li dijî dayikan sûc hatiye kirin’ 

2019-04-22 14:58:07


	&nbsp;

	NAVENDA NÛÇEYAN – Şaxên ÎHD’ê tundiya li dijî dayikên girtiyan a li Gebzeyê û Qoserê pêk hat şermezar kirin û gotin: “Polîsan li dijî dayikan sûc kiriye.”&nbsp;

	&nbsp;

	Şaxên Komeleya Mafên Mirova (ÎHD) yên Amed û Edeneyê şideta li dijî dayikên girtiyan ên li Gebzeyê û Qoserê bi civînên çapemeniyê şermezar kirin.&nbsp;

	&nbsp;

	Şaxa ÎHD’ê ya Amedê li avahiya xwe daxuyanî da Endama Komîsyona Jinan a ÎHD’ê Derya Yildirim grevên birçîbûnê yên gihîştine roja 166’emîn bi bîr xist û got carek din deng û qîrîna dayikan bi şidetê tê bêdengkirin. Yildirim got li Gebzeyê û Qoserê li dijî dayikan êrîş û şideta fîzîkî û derûnî pêk hatiye û got: “Bi copan li dayikan dan, çêr bi wan hatin kirin, heqaret hatin kirin û dest dirêjî dayikan kirine. Bi van kirinan li dijî dayikan sûc hatiye kirin.”&nbsp;

	&nbsp;

	EDENE&nbsp;

	&nbsp;

	Şaxa ÎHD’ê ya Edeneyê jî li avahiya xwe şideta li dijî dayikan şermezar kirin. Endama ÎHD’ê Baran Oner anî ziman ku hemû êş û zordestî û êrîş dayikên kurd dibîne û got: “Li Gebzeyê dayikan li dijî bêdengiyê çalakiyek aştiyane li dar xistiye. Lê li Qoser û Gebzeyê deng û qîrîna dayikan bi tundiyê hat bêdengkirin.”&nbsp;

	&nbsp;

	&nbsp;