
27 girtiyên di greva birçîbûnê de bi îdiaya 'alîkariya rêxistinê' hatin tawanbarkirin 

2019-04-07 08:21:45


	&nbsp;

	STENBOL - Li Girtîgeha Maltepeyê der barê 27 girtiyên li dijî tecrîdê ketibûn greva birçîbûnê ya bidem û dorveger de bi îdiaya "Alîkariya rêxistinê kirine" doz hat vekirin.&nbsp;

	&nbsp;

	Li Girtîgeha Jimare 2'yan a Maltepeyê, der barê 27 girtiyên li dijî tecrîdkirina Rêberê PKK'ê Abdullah Ocalan ketibûn gerva birçîbûnê ya bidem û dorveger de doz hat vekirin. Di îdianameya ji aliyê Serdozgeriya Komarê ya Stenbolê hat amadekirin de, girtî bi îdiaya "alîkariya rêxistinê kirine" hatin tawanbarkirin.&nbsp;

	&nbsp;

	Dozger di îdianameyê de parast ku girtiyên li dijî tecrîda Îmraliyê ketine greva birçîbûnê "bi dîsîplîna rêxistinê bi awayekî yekgirtî çalakî kirine" û bi vî awayî bi zanebûnî alîkariya rêxistinê kirine.&nbsp;

	&nbsp;

	Îdianame ji aliyê Dadgeha Cezayê Giran a 26'an a Stenbolê ve hat qebûlkirin.&nbsp;

	&nbsp;

	Der barê van girtiyan de doz hatiye vekirin: Azad Kurkçu, Çetin Gumuş, Eyyup Sever, Feyyaz Karaç, Gokmen Subaşi, Hasan Yildirim, Hebun Kurt, Kenan Çeçen, Kenan Sagun, Kerim Kiliç, Mahşuk Karlidag, Malik Onurcan, Muhammed Yildiz, Onur Kasak, Ozgur Sonmez, Serhat Goregen, Ugur Onur, Velat Kazançci, Servet Aygun, Nuh Yildirim, Mazlum Govercin, Omer Bozdag, Omer Ulus, Uzeyir Şevluk, Şaban Yilmaz, Kerim Kiliç û Suleyman Çikmaz.

	&nbsp;

	MA / Yasin Kobulan

	&nbsp;