
Hevşaredarên bajaroka Akpazarê: Em ê tevî gel bi rê ve bibin

2019-04-03 09:26:42


	DÊRSIM - Hevşaredarên HDP'ê yên bajaroka Akpazar a Dersimê Songul Dogan û Orhan Çelebî, diyar kirin ku wê ew û gel bi hev re şaredariyê bi rê ve bibin.&nbsp;

	HDP, di hilbijartin 31'ê Adarê de li bajaroka Akpazarê ku qeyûm tayînî wê hatibû kirin bi ser ket. di hilbijartinê de HDP 478, CHP 463, AKP 2019, TKP 101, namzetê serbixwe 64 û Partiya Saadetê jî dengek girt. Hevşaredarên nû yên Şaredariya Akpazarê Songul Dogan û Orhan Çelebî, diyar kirin ku şaredarî a wan bû û wan dîsa ew bi dest xistiye.&nbsp;

	&nbsp;

	Songul Dogan, diyar kir ku wan di pêvajoya hilbijartinê de soz dabû wê tevî gel şaredariyê bi rê ve bibin, niha wan şaredarî bi dest xistiye û ew ê şaredariyê tevî gel bi rê ve bibin. Dogan, destnîşan kir ku ewilî ew ê texrîbatên qeyûm tespît bikin û bi raya giştî re parve bikin.

	&nbsp;

	Hevşaredar Orhan Çelebî jî got: "Wexta me dest bi xebatên hilbijartinê kiribû me gotibû, em ê tişta aîdî xwe bi dest bixin. Me şaredariya xwe bi darê zorê hatibû xespkirin bi dest xist." Çelebî, bilêv kir ku wexta ew mazbataya xw ebigirin ew ê pêşî hemû kirinên qeyûm bi gel re parve bikin.&nbsp;

	&nbsp;

	Çelebî, destnîşan kir ku tevî hemû zext û zoriyan jî gel xwedî li vîna xwe derketiye û ew ê tevî gel şaredariyê bi rê ve bibin û got: "Gel baweriya xwe bi me anî. Wê ev bawerî Akpazarê bike bajarekî hîn xweşiktir."&nbsp;

	&nbsp;