
Hilbijêrên AKP'ê yên Qilebanê di rêya vegerê de ne

2019-04-01 13:31:32


	ŞIRNEX – Li navçeya Qilebanê, bi qasî hilbijêran esker û polîs jî çûn ser sindoqan û rayên xwe avêtin sindoqan. Esker û polîsên ku bi karwanek mezin çûn Qilebanê û rayên xwe avêtin, îro dîsa bi karwanek mezin ji Şirnexê vegeriyan. Di saetên Serê sibê de 100 maşineyên zirxî ku esker bar kiribûn piştî hilbijartinê vegeriyan.&nbsp;

	&nbsp;

	Li navçeya Qilebanê ya Şirnexê esker û polîsên ku duh bi karwanek mezin çûn ser sindoqan û raya xwe avêtin sindoqan îro dîsa bi karwana maşîneyên zirxî vegeriyan. AKP'ê bi sedan esker û polîs li navçeya Qilebanê wekî hilbijêr qeyd kiribûn. Polîs û eskerên ku bi komî çûn ser sindoqan û dengê xwe avêtin, pişî hilbijartinê bi zêdeyî 100 maşîneyên zirxî yên kîrpî vegeriyan. Eskerên di bin tedbîrên mezin de ji Qilebavê vegeriyan li ser rêya Hezex û Cizirê ber bi Balafirgeha Şerafettin Elçî ve bi rê ketin.

	&nbsp;

	&nbsp;