
Ji Yuksekdag 10 sal cezayên din dixwazin

2017-11-10 11:50:44


	AMED - Dozger der barê Hevseroka &nbsp;Giştî ya HDP'ê ya berê Fîgen Yuksekdag ku girtî tê darizandin de bi sedema di kongreya HDP'ê de posterê Rêberê PKK'ê Abdullah Ocalan hatiye vekirin û di sala 2014'an de li Lîcê tev li cenazeyê welatiyekî bû &nbsp;heta 10 sal cezayê girtîgehê doz vekir.&nbsp;

	Serdozgeriya Komarê ya Amedê der barê Hevseroka Giştî ya HDP'ê ya Berê Figen Yuksekdag de bi sedema di kongreya HDP'ê de posterê Rêberê PKK'ê Abdullah Ocalan vekiriye û li Lîcê beşdarî merasima cenazeyê ku leşkeran kuştibû bûye doz vekir. Dozger bi îdîaya Yuksekdag “Propaganda rêxistinê kiriye" 2 dozên cuda vekir û heta 10 salan cezayê girtîgehê xwest. Doz li 10'emîn Dadgeha Cezayên Giran a Amedê hatin qebûl kirin. Dozger ji 2 salan heta 10 salan ji Yuksekdag ceza dixwaze. Dozger di îdîanameya ewil de bi sedema tev li merasima cenazeyê Mehdîn Taşkin ê di gulebarana leşkerên dema Peykerê Mahsum Korkmaz (Egît) ê li Goristana "Şehît Amed û Şehit Hevidar Şehitliği" hatibû çikilandin xera kirin de kuştin, bûye doz vekir.&nbsp;

	Dozger îdîa kir ku di Lênûska "Herema Şehid Kendal Goristana Şehidi Amed Lenuska Serdêran a LÎCE" nivîsa “Ez li ber biranina rêheval Mehdîn ê dema şehîd diparastin gihişt şehadetê bi rêzdarî bejna xwe ditewînim. Wî dema sîmgeya jiyan û parazvanên aştiya gelan diparast nemir bû. Em dê bi alawî bêtir jiyanê biparêzin" propaganda kiriye. Dozger îdîa kir ku bi tevlêbûna merasima cenazeyê Mehdin Taşkın propaganda rêxistinê kiriye."&nbsp;

	&nbsp;

	Dozger di îdîanameya duyemîn de jî bi sedema ku di 2'emîn Kongreya Asayî ya HDP'ê ku Yuksekdag wekî hevserok hat hilbijartin de Posterên Rêberê PKK'ê Abdullah Ocalan û pankarta "Xweseriya Demokratîk" hatiye vekirin û "Propaganda rêxistinê kiriye" doz vekir.&nbsp;

	&nbsp;

	Dozger, nameya kesê bi navê Arda Can Çelik ê ji serdozgeriya Komarê ya Enqereyê re nivîsandiye û îdîa kiriye ku Di 24'ê Çileya 2016'an de di 2'emîn kongreya HDP'ê de propaganda rêxistinê kiriye esas girt û doz vekir.&nbsp;

	Piştî heyeta dadgehê îdîaname qebûl kir doz hat vekirin. Roja darizandina Yuksekdag dê di rojên pêş de bê diyarkirin.&nbsp;

	&nbsp;