
Ji Girtîgeha Kirikkaleyê rapora binpêkirina mafan 

2017-11-10 10:51:28


	ENQERE – Giriyên Girtîgeha Tîpa F a Kirikkale binpêkirinên mafan ên cotmehê kirin rapor.&nbsp;

	Giriyên Girtîgeha Tîpa F a Kirikkale binpêkirinên mafan ên meha cotmehê kirin rapor. Girtiyê bi navê Raşît Dortyol di 1’ê mijdarê de name nivîsand û cih da rapora der barê binpêkirina mafan. Di nameye de binpêkirin wiha hatin rêzkirin:&nbsp;

	&nbsp;

	“* Di navbera 2-3’ê cotmehê û 23-24’ê cotmehê de di bin navê hevdîtina vekirî de di 16’ê cotmehê de bi ser qawîşin ve girtin mafê me yê sohbetê ansteng kirin.&nbsp;

	&nbsp;

	* Di meha cotmehê de mafê 50 saetan ê sohbet 35 saet jê hat astengkirin û tenê me 15 saet mafê xwe bikaranî.&nbsp;

	&nbsp;

	* Lêgerînên di bin navê ewlehiyê de veguheriye kêfiyetê. Di 2, 13 û 18’ê cotmehê de lêgerîna bi serdegirtin pêk hat. Di 4 û 16’ê cotmehê de lêgerîna giştî pêk hat. Di van serdegirtinan de dest danîn ser 5 pirtûkan.&nbsp;

	&nbsp;

	* Raşît Dortyol di 24’ê cotmehê de wefata dayika xwe hîn bû û destûr nedan biçe merasîma cenazeyê dayika xwe.&nbsp;

	&nbsp;

	* Mehmet Bildircan di 24’ê cotmehê de sewqî Polîklîniga Diran hat kirin lê bes kelepçe spartin. Bildircan ji ber ku kelepçeyê red kir ji qata 3’an a Polîklînîgê bi kelepçeya wî girtin bi erdê re heta ber rîngê kaş kirin. Di her du zendên destên wî de birîn çêbûn û li ser çavê wî şopên derbkirinê pêk hatin.&nbsp;

	&nbsp;

	* Kamareyan li hemû baniyên hucreyan û cihên bêhnvedanê hatin bicihkirin. Di bin navê ewlehiyê de qadên jiyana me ya taybet tên şopandin.&nbsp;

	&nbsp;

	* Daxwaznameyên em dinivîsînin pişt guh dikin.&nbsp;

	&nbsp;

	* Sewqên me yên nexweşxaneyan pêk nayên û mafê me yê tenduristiyê tê xespkirin.&nbsp;

	&nbsp;

	* Li gel hewa sar bûye jî kalorîferan pênaxin û îşkenceya sermaye li sedan mirova dikin.&nbsp;

	&nbsp;

	* Mafê me yên parastinê tên astengkirin û cezayên dîsîplînê tên erêkirin.”&nbsp;

	&nbsp;

	Em der barê angaştên girtiyan nivîsandine de li rêveberiya girtîgehê geriyan. Lê gotin ku ew nikarin der barê mijdarê de agahî bidin.&nbsp;

	&nbsp;