
HDP’iyan kargeha malbata Şenyaşar ziyaret kir: Wê biryara Pirsûsê heman biryar be 

2019-03-20 16:57:32


	&nbsp;

	RIHA – HDP’iyan dikana malbata Şenyaşar ên 3 ferdên wan beriya hilbijartina 24’ê Hezîranê li Pirsûsê ji aliyê AKP’iyan ve hatin qetilkirin ziyaret kir. Esnafek di ziyaret de got: “Cîranên me li vir kuştin. Ji vê zilmê re bêdeng nemînin. Wê di vê hilbijartinê de jî biryara Pirsûsê heman biryar be.”&nbsp;

	Namzetên HDP’ê yên Hevşaredariya Navçeya Pirsûsê ya Rihayê Hatîce Çevîk û Abdullah Polat, Parlamenterê HDP’ê Omer Ocalan û rêveberên HDP’ê welatî û esnafên Pirsûsê ziyaret kirin. Esnaf û welatiyan namzetên HDP’ê bi kêfxweşî pêşwazîkirin û desteka xwe diyar kirin.&nbsp;

	&nbsp;

	‘WÊ PIRSÛS WINDA NEKE’&nbsp;

	&nbsp;

	HDP’î çûn serdana dikana malbata Şenyaşar ku di hilbijartina 24’ê Hezîranê de 3 ferdên wan ji aliyê AKP’iyan ve hatin kuştin. Esnafan got wan qetilkirina malbata Şenyaşar ji bîr nekirine û wek her hilbijartinê dê di vê hilbijartinê de jî Pirsûsê winda nekin.&nbsp;

	&nbsp;

	'CÎRANÊN ME QETIL KIRIN’&nbsp;

	&nbsp;

	Di serdanê de esnafekî got: “Cîranên me li kuştin. Ji vê zilmê re bêdeng nemînin. Di vê hilbijartinê de jî wê biryara Pirsûsê heman biryar be.” Hin esnafên din jî ji HDP’iyan re gotin: “Dîwarên beton ên li dora şaredariyê em ê rakin. Şaredarî Ya Me Ye.” Esnafan bi van peyaman xwe ji qewirandina qeyûm re amade kirin.&nbsp;

	&nbsp;

	‘EM Ê VÊ KOLANÊ JI BÎR NEKIN’&nbsp;

	&nbsp;

	HDP’iyan dikana malbata Şenyaşar lê hatin qetilkirin jî ziyaret kirin. Parlmenter Omer Ocalan got: “Qetla ku li vê dikanê pêk hat di esasê xwe mînaka zilmê ya herî şênbere ku zilma bi salane li ser gelê kurd didome nîşan da. Em ê vê kolanê û malbata Şenyaşar ji bîr nekin. Hevşaredar Hatîce Çevîk jî hevalek ji we ye. Guh bidin çîroka wê.”&nbsp;

	&nbsp;

	SIWÊREG&nbsp;

	&nbsp;

	Namzetên HDP’ê yên Hevşaredariya Siwêregê Turan Tuysuz û rêveberên HDP’ê jî li herêmên Karakeçî û Karahanê serdana welatiyan û rûsipiyên gundên Gogerçîn, Hamamveran, Kela, Xelef, Keçîkuyu, Xerabreş, Dalpek û Mirxasê ziyaret kirin.&nbsp;

	&nbsp;

	Namzeta HDP’ê ya Hevşaredariya Siwêregê Emîne Çetîner jî li navenda navçeyê bi hilbijêran re hat gel hev. Çetîner derî bi derî geriya û destekê ji hilbijêran xwest. Piştî serdana li taxan jî çû serdana nûnerên saziyên civakî.&nbsp;

	&nbsp;

	&nbsp;

	&nbsp;

	&nbsp;