
Salek û 8 meh ceza li parlamenter Surucu hat birîn

2019-03-20 12:02:10


	&nbsp;

	RIHA – Bi îdaya “Muxalefeta qanûna hejmara 2911’an kiriye” salek 8 meh û 15 roj cezayê hepsê li Parlamentera HDP’ê ya Rihayê Ayşe Surucu hat birîn.&nbsp;

	&nbsp;

	Danişîna doza Parlamentera HDP’ê ya Rihayê Ayşe Surucu ku bi îdaya “Muxalefeta qanûna hejmara 2911’an kiriye” li 6’emîn Dadgeha Cezayê Giran a Rihayê hat dîtin.&nbsp;

	&nbsp;

	Suruc bi hêceta di 8’ê Adara 2016’an de beşdarî şahiya vekirina Navenda Jinan a Sara ku girêdayî Şaredariya Xalfetiyê ye tê darizandin. Surucu beşdarî danişînê nebû. Parêzerên Surucu beşdarî danişînê bûn û dozger daxwaza cezakirinê dubare kir. Parêzeran diayr kir ku Surucu parlamentere û xwestin darizandin bê sekinandin.&nbsp;

	&nbsp;

	Heyeta dadgehê piştî navberek kurt salek 8 meh û 15 roj ceza li Surucu birî. Dadgehê ceza taloq nekir û rêya birina îstînafê jî vekirî hişt.&nbsp;

	&nbsp;

	Parêzeran diyar kir ku ew ê dosyeyê bibin dadgeha îstînafê.&nbsp;

	&nbsp;