Li bajarên Herêma Kurdistanê şehîdên Helebce hatin bibîranîn

2019-03-16 17:00:47


	NAVENDA NÛÇEYAN - Li seranserê navçe û bajarên Herêma Kurdistana Federe kesên di Komkujiya Helebce de jiyana xwe ji dest dan, hatin bibîranîn û komkujî hat lanetkirin.

	 

	Li gelek navçe û bajarên Herêma Kurdistana Federe, bi boneya 31’emîn salvegera Komkujiya Helebce ya di16’ê Adara 1988’an de ji aliyê hêzên rejîma Iraqê ve bi çekên qedexekirî yên kîmyewî û jehrdar komkujiyeke mezin li ser gelê Kurd ê sivîl ên Helepce pêk hat, çalakiyên cur be cur hatin lidarxistin. Di saeta ku komkujiya Helebce pêk hat de, ango saet 11:00’an de li navçe û bajarên Başûrê Kurdistanê jiyan rawestiya.

	 

	KERKÛK 

	 

	Nûnerên aliyên siyasî yên Kerkûkê li ber Keleha Kerkûkê kombûn û şehîdên Helebceyê bi bîranîn.

	 

	KELAR

	 

	Koma Hunerî ya Estêreyan li Germiyan rêze çalakiyek şanogerî li hola Werzîş û Lawan a Germiyanê li dar xistin. 

	 

	HEWLÊR

	 

	Li bajarê Hewlêrê jî, bi heman awayî rêze çalakî hatin lidarxistin. Bi rêya şanoyê li ser şeqaman behsa êşa jinên Êzidî û sûcên kîmyabarana Helebceyê hat kirin. Piştî wê jî bajar 5 deqeyan bêdeng bû.

	 

	RANYA

	 

	Di nava bazara navçeya Ranya de jî 5 deqe jiyan rawestiya û şehîdên Helebceyê hatin bîranîn.

	 

	SÎDEKAN

	 

	Li Sîdekanê jî, li ser kîmyabarana Helebce şano hatin nîşandan û şehîdên Helebcê hatin bi bîranîn.