
Xizmên windayan kesên di Komkujiya Helepçê de hatin kuştin bibîr anîn

2019-03-16 15:38:02


	AMED / ÊLIH - Xizmên Windayan û şaxên ÎHD’ê yên Amed û Êlihê, çalakiyên xwe yên vê heftê diyarî kesên di Komkujiya Helepçê de jiyana xwe ji dest dayîn, kirin û anîn ziman ku ev komkujiya ji aliyê dewletan ve hatî kirin, dê bê naskirin.

	Şaxa Komeleya Mafên Mirovan (ÎHD) a Amedê û Xizmên windayan bi dirûşmeya “Bila winda bên dîtin û kujer bên darizandin" çalakiya xwe ya hefteya 527’emîn li dar xist. Ji ber qada Abîdeya Mafên Mirovan a li Parka Koşuyolu ji ayilê polîsan ve hat dorpêçkirin û destûr nedan malbat li derve daxuyaniyê bidin, xizmên windayan û ÎHD'ê li avahiya Şaxa ÎHD'ê ya Amedê daxuyanî dan. Di çalakiyê de wêneyên windayan hatin hilgirtin. Endamê MYK’ê yê ÎHD’ê Racî Bîlîcî, Serokê Şaxa ÎHD’ê Abdullah Zeytûn, Nûnerê Herêma Anadolu yê Rojhilat û Başûrê Rojhilat Abdusselam Înceoren, Serok û nûnerên Şaxên ÎHD’ê yên bajarên herêmê û Serokê CHP’ê yê Amedê Mehmet Sayîn beşdarî çalakiyê bûn.&nbsp;

	&nbsp;

	ROJA KOMKUJIYÊ&nbsp;

	&nbsp;

	Serokê Şaxa ÎHD’ê Abdullah Zeytûn di çalakiyê de axivî û bal kişand ser Komkujiya Helepçe ya di 16’ê Adara 1988’an pêk hat. Zeytûn, diyar kir ku ev roj li dijî nasname, çand û nifusa gelê Kurd de û ev bang kir: “Divê dewleta Komara Tirkiyeyê vê sûcê nas bike. Em vê çalakiya xwe diyarî kesên di Komkujiya Helepçê de jiyana xwe ji dest dayîn, dikin.”&nbsp;

	&nbsp;

	'ATAK BI DARÊ ZORÊ BIR’

	&nbsp;

	Piştî axaftina Zeytûn, Endamê Komîsyona Xizmên Windayan ê Şaxa ÎHD’ê yê Amedê Adnan Orhan, çîroka Îhsan Arslan û Alî Karagoz ên di sala 1993’yan de li navçeya Cizîrê ya Şirnexê ji aliyê Serçerdevan Kamîl Atak ve bi darê zorê hatin birin û carek din agahî ji wan nehat girtin, vegot.

	&nbsp;

	Orhan, da zanîn ku hemû hewldanên malbatên Karagoz û Arslan bê encam man û êdî carek din agahî ji wan nehat girtin.&nbsp;

	&nbsp;

	Piştî çalakiyê 5 deqe çalakiya roniştinê pêk hat.&nbsp;

	&nbsp;

	LI ÊLIHÊ HELEPÇE BI BÎR ANÎN

	&nbsp;

	Li Êlihê jî Xizmên Windayan û Rêveberên Şaxa ÎHD’ê ya Êlihê di hefteya 433’Yemîn de li avahiya ÎHD’ê çalakiya xwe &nbsp;li dar xistin. Xizmên windayan û parêzvanê mafê mirovan bi şîara “Bila Winda Bên Dîtin û Faîl Bên Darizandin” wêneyên windayan hildan û xwestin aqûbeta windayan aşkere bibe. Dîsan di çalakiyê de wêneyên kesên di Komkujiya Helepçê de jiyana xwe ji dest dabûn hatin vekirin.&nbsp;

	&nbsp;

	Ji rêveberên ÎHD’ê Îlyas Tarim, di çivînê de axivî û şehîdên Komkujiya Helepçeyê bibîr anîn. &nbsp;

	&nbsp;

	Dûre Sekreterê Şaxa ÎHD’ê ya Êlihê Fahrettîn Asûtay, daxuyanî da û wiha got: “Em çalakiya xwe &nbsp;ya vê heftê diyarî Komkujiya Helepçe dikin. Ev komkujî, di rastiyê jenosîdeke.”&nbsp;

	&nbsp;

	Piştî axaftina Asûtay, xizmên windayan çalakiya 5 deqe rûniştinê li ser xistin.&nbsp;

	&nbsp;