
Yigît ê 64 roj in di grevê de ye: Tecrîd bi desteka gel dê bê şikandin 

2019-03-09 09:43:11


	&nbsp;

	MÊRDÎN – Halef Yigît ê 64 roj in li dijî tecrîdkirina Rêberê PKK’ê Abdullah Ocalan di greva birçîbûnê de ye got: “Ji niha şûn ve tecrîd wê bi desteka gel bê şikandin."&nbsp;

	&nbsp;

	Halef Yigît (25) ê li Girtîgeha Tarsûsê ji 5’ê Çile ve li dijî tecrîdkirina Rêberê PKK’ê Abdullah Ocalan di greva birçîbûnê ya bêdawî û bêdorveger de ye. Yigît ê ji Mêrdînê ye di sala 2016’an de hat girtin û şandin Girtîgeha Tîpa E ya Mêrdînê. Di 17’ê cotmeha 2017’an de bi îdiaya “Endamê rêxistinê ye” 9 sal û 6 meh cezayê hepsê li Yigît hat birîn. Yigît zarokê mezin ê malbatê ye û ji 20’ê çileya 2018’an ve li Girtîgeha Tarsûsê tê ragirtin.&nbsp;

	&nbsp;

	Hefteya bihûrî xwişka wî Zeynep Yigît çû hevdîtina birayê xwe û peyama birayê wê pê re şand vegot.&nbsp;

	&nbsp;

	‘BI MORAL Û BIRYARIN’

	&nbsp;

	Yigît anî ziman ku birayê wê di greva birçîbûnê de 7 kîlo daye û nexweşînên wî dest pê kirine. Yigît diyar kir ku girtiyên din jî yên li gel birayê wê ku di greva birçîbûnê de ne gelek zeîf bûne û nexweşînên wan dest pê kirine û got: “Tevî van hemûyan jî moralê wan li cih e û xwedî biryar in.”&nbsp;

	&nbsp;

	Yigît got ji hefteyê carek kontrola tenduristiya girtiyên di grevê de ne tê kirin.&nbsp;

	&nbsp;

	&nbsp;'DAXWAZA WAN DAXWAZA ME YE’&nbsp;

	&nbsp;

	Yigît da zanîn ku ew wek malbatê li pey daxwaza girtiyan in û got: “Em xwedî li wan derkevin û bi tenê nehêlin. Em çiqas xwedî li wan derkevin wê ewqas zûttirîn tecrîd bê şikandin. Bêyî mirin pêk bê divê her kes deng bide dengê wan.”&nbsp;

	&nbsp;

	Yigît da zanîn ku tecrîda li Îmraliyê li dijî mafên mirovan e û bêhiqûqiye û got: “Birayê min û girtiyên dixwazin hiqûq bê cih. Daxwaza wan daxwaza me ye.”&nbsp;

	&nbsp;

	‘SERKEFTIN YA ME YE’&nbsp;

	&nbsp;

	Yigît da zanîn ku birayê wê jê re gotiye “Bexwedan jiyan e” û wiha got: “Peyama birayê min da wiha ye ‘Hêdî hêdî pirsgirêkên me yên tenduristiyê dest pê kirin. Nexweşîna dil û bêxewî dest pê kirin. Lê em van nexweşînan nafikirin. Armanca me girîng e. Heta serkeftinê em ê çalakiya xwe berdewam bikin. Serkeftin ya me ye. Ji vê saetê şûn ve pêdivî bi desteka gel heye. Bila gel xwedî li girtiyan derkeve. Tişta pêwîst me kir û em dikin. Tecrîd dê ji niha şûn ve bi desteka gel bê şikandin.”&nbsp;

	&nbsp;

	&nbsp;