
‘Girtiyê nexweş Bayram ê 71 salî berdin’

2019-02-23 15:02:21


	STENBOL - Di çalakiya “Rûniştina F” a hefteya 361’emîn de, bal kişandin ser rewşa girtiyê nexweş Mehmet Bayram ê 71 salî û hat xwestin ku Bayram bê berdan.

	&nbsp;

	Komîsyona Girtîgehan a Şaxa Komeleya Mafên Mirova (ÎHD) a Stenbolê bi armanca balê bikişîne ser rewşa girtiyên nexweş xwest li Qada Galatasarayê çalakiya “Rûniştina F” di hefteya 361’emîn de li dar bixe. Polîsan destûr neda çalakiyê û li ser vê yekê parêzvanên mafên mirova li ber avahiya ÎHD’ê ya Taksîmê çalakî li dar xist. Di çalakiyê de wêneyên girtiyên nexweş hat hildan û pankartên “Tecrîd dikuje piştevanî dide jiyîn” û “Bila girtiyên nexweş bên berdan” hatin vekirin. Parazvanên mafên mirovan di çalakiya vê heftê de, bal kişandin ser rewşa girtiyê nexweşîna dil, pençeşêr, gurçik, şekir û tansiynoan bilind Mehmet Bayram ê 71 salî.&nbsp;

	&nbsp;

	‘DU CARAN KRÎZA DIL DERBAS KIR’

	&nbsp;

	Endamê Komîsyona Girtîgehan ê ÎHD’ê Mehmet Acettîn daxuyanî da çapemeniyê. Acettîn, diyar kir ku girtiyê nexweş Bayram di sala 2017’an de hat girtin û wiha axivî: “Bayram carekê dibin çavan de û carek din jî li Girtîgeha Bandirma 2 caran krîza dil derbas kkir. Ji ber nexweşiya şeker gurçikên Bayram ber bi îflasbûnê ne. Laşê &nbsp;wî diwerime û talokeya jiyana wî berdewam dike.” &nbsp;

	&nbsp;

	‘NEXWEŞÊ PENCEŞÊRÊ YE’&nbsp;

	&nbsp;

	Acettîn, anî ziman ku Bayram ji ber nexweşiya pençeşêre li Nexweşxaneya Zanîngaha Gazî ya Enqerê hat emeliyatkirin û wiha bilêv kir: “Ji bo ku carek din ûr xwe dubare neke, divê di 6 mehan carekê b3e kontrolkirin. Lê li girtîgehê ev kontrolên wî nayên kirin. Dîsan Bayram ev 20 salin nexweşiya wî ya şekir heye. Ji ber nexweşiya şekir pirsgirêkên gurçik, çav û dil dijî.”

	&nbsp;

	‘DIVÊ BÊ DERMANKIRIN’

	&nbsp;

	Acettîn, di dawiya axaftina xwe wiha got: “Dermanên însulîn û cîhazê pîvandina &nbsp;şekir ên Bayrma nayin dayîn. Dîsan raporên cerahên mejî dayîn Bayram hene. Rîska jiyanê ya Bayram pir zêdeye. &nbsp;Em weke parazvanên mafên mirovan û komîsyoan girtîgehan, dixwazin ku Mehmet Bayram û di şexsê wî de hemû girtî bên derman kirin û astengiyên li ser tedawiya girtiyan bên rakirin. Dîsan em dixwazin hemû ji bo girtiyên nexweş gav bên avêtin û bên berdan.”

	&nbsp;

	Piştî daxuyaniyê, çalakî bi berzkirina dirûşmeyan bi dawî bû.&nbsp;

	&nbsp;