
Rêxistinên Civaka Demokratîk ên Wanê: Demildest bikevin nava tevgerê

2019-02-19 15:57:04


	&nbsp;

	WAN - Baroya Wanê, Odeya Tabîpan, ÎHD, TÎHV, OHP û TUHAY-DER’ê, derbarê tecrîd û greva birçîbûnê de daxuyanî da û bal kişandin ser çalakiya greva birçîbûnê ya Hevseroka KCD’ê Leyla Guven û girtiyan ên berdewam dikin û bang li Wezareta Dadê û saziyên berpirs kirin ku demildest bikevin nava tevgerê.&nbsp;

	&nbsp;

	Baroya Wanê, Odeya Tabîpan a Wan-Colemêrgê, Şaxa ÎHD’ê ya Wanê, TÎHV, OHP û TUHAY-DER’ê, derbarê tecrîda liser Rêberê PKK’ê Abdullah Ocalan û grevên birçîbûnê yên li dijî tecrîdê berdewam dikin de daxuyaniyek hevpar dan. Daxuyanî li baroyê hat dayîn û Alîkarê Serokê Baroya Wanê Hamza Çîftçî di daxuyaniyê de axivî. Çîftçî, bal kişand ser berxwedana Hevseroka KCD'ê Leyla Guven a bi armanca tecrîdkirina Rêberê PKK'ê Abdullah Ocalan bi dawî bibe dest bi greva birçîbûnê ya bêdawî û bêdorveger kiriye û di roja 104'emîn de berdewam dike.

	&nbsp;

	‘GÛHÊ XWE JI HEMÛ BANGAN RE GIRTINE’

	&nbsp;

	Çîftçî, diyar kir ku li Tirkiyeyê binpêkirinên mafan pir zêde bûye û wiha got: “Hikûmetê gûhê xwe ji hemû bangan re girtine. Îro li ser Rêberê PKK’ê Abdullah Ocalan tecrîdek girankirî heye. Ev pêkanîna tecrîdê li dijî Kanûnên Mafên Mirovan ên Ewropayê ne.”&nbsp;

	&nbsp;

	‘DIVÊ GAVÊN PÊWÎST BÊN AVÊTIN’&nbsp;

	&nbsp;

	Çîftçî, da zanîn ku her roja diçe hejmara girtiyên dikevin greva birçîbûnê de zêdetir dibin û wiha bilêv kir: “Di heman demê de tenduristiya çalakgeran jî xerab dibe. Divê Wezareta Dadê û saziyên berpirsiyar demildest erka xwe bînin cih û daxwazên girtiyan qebûl bike. Di heman demê de em bang li hemû saziyên mafên mirovan ên netew û navneteweyî dikin ku bi hestiyar tevgerin.”

	&nbsp;