
Wekîlên Riha û Dîlokê ber bi Amedê ve dimeşin 

2019-02-14 13:18:05


	&nbsp;

	RIHA - Tevî hemû astengiyên polîsan jî parlamenterên HDP'ê yên Riha û Dîlokê jî ber bi Amedê ve dimeşin.&nbsp;

	&nbsp;

	Parlamenterê HDP'ê yê Dîlokê Mahmut Togrul û Parlamenterên HDP'ê yên Rihayê Ayşe Surucu, Omer Ocalan û Nusrettîn Maçîn ji bo piştgiriya Hevseroka KCD'ê Leyla Guven a 99 roj in di greva birçîbûnê de ye ji navçeya Hîlwanê ya Rihayê ber bi Amedê ve dest bi meşê kirin.&nbsp;

	&nbsp;

	Parlamenteran duh piştî meşa li Bêrecûkê û Pirsûsê êvarê derbasî navenda Rihayê bûbûn. Wekîl vê sibehê derbasî navçeya Hîlwanê bûn. Tevî ku polîsan parlamenteran rawestand jî çûn avahiya HDP'a Hîlwanê û bi gel re hatin ba hev.&nbsp;

	&nbsp;

	Parlamenter ji avahiya HDP'ê derketin û bi astengiya polîsan re rû bi rû man. Tevî astengiyê jî wekîl demek li kolana sûkê meşiyan, polîsan dîsa dorpêç kir. Li ser vê yekê wekîl derbasî navçeya Siwêregê bûn.&nbsp;

	&nbsp;

	Wekîlên HDP'ê piştî li Siwêregê meş li dar bixin tê payîn derbasî Amedê bibin.&nbsp;