
Rojnameger Semiha Alankuş hat darizandin 

2019-02-13 18:18:09


	&nbsp;

	AMED – Rojnameger Semiha Alankuş, ku der barê wê de doz hatibû vekirin, derket pêşberî dadgehê. Alankuş, di danişînê de sûcdariya der barê xwe de red kir û got: "Ez şahidiya nepen qebûl nakim. Ez rojnameger im." Heyetê biryarda ku avêtina îmzeyê rake û doz taloq kir.&nbsp;

	&nbsp;

	Danişîna rojnameger Semiha Alankuş ku bi îdîaya “Endamtiya rêxistinê" doz lê hatibû vekirin li 9’emîn Dadgeha Cezayên Giran a Amedê hat dîtin. Di danişînê de rojnameger Alankuş û parêzerê wê Resul Tamur amade bûn.&nbsp;

	&nbsp;

	'EZ ROJNAMEGER IM'

	&nbsp;

	Alankuş, di danişînê de sucdariya der barê xwe de red kir û wiha got: “Ez ne endamê PKK'ê me. Ez rojnameger im. Hemû axaftinên min vekirî û aşkere ne. Tu têkiliya min û KJA, TJA û Welatiyên azad tune ye. Ez rojnameger im. Ez îfadeya şahidê nepen ya der barê xwe de qebûl nakim. Ez beraeta xwe dixwazim."&nbsp;

	&nbsp;

	Dozger xwest materyalên di operasyonê de hatin girtin weki delîl bên lekolîn kirin û xwest li benda encama lêkolinan bêhiştin. Dozger xwest îmzekirin û qedexeya derketina derve berdewam bike. Parêzerê Alankuş Resul Tamur jî anî ziman ku pêwistî bi bendemayina materlayên dijîtal tune ye û beraeta muwekila xwe xwest.&nbsp;

	&nbsp;

	ŞERTE ÎMZE AVÊTINÊ RAKIR

	&nbsp;

	Heyetê piştre der barê Rojnameger Alankuş de biryara şerte avetina îmzeyê rakir û danişîn taloq kir.&nbsp;

	&nbsp;

	&nbsp;

	&nbsp;