
Namzetên hevşaredariyên HDP'ê bi kêfxweşî tên pêşwazîkirin

2019-02-12 15:04:38


	&nbsp;NAVENDA NÛÇEYAN - HDP'ê li gelek navendan xebatên hilbijartina herêmî birêve birin. Namzetên hevşaredariyê yên HDP'ê bi kêfxweşî ji aliyê gel û esnafan ve hatin pêşwazîkirin.&nbsp;

	&nbsp;

	Rêxistina Partiya Demokratik a Gelan(HDP) a Mêrdînê, li navçeya Dêrîkê starta hilbijartinê da. Parlementera HDP’ê ya Mêrdînê Ebru Gunay, namzetên hevşaredarên HDP’ê, rêvebirên HDP û DBP’ê û gelek welatî tevlî bernameya hat lidarxistin, bûn. Girseyê ji avahiya HDP’ê ya navçeyê dest bimeşê kir, esnaf û welatî silav kirin. Girseya ku ji aliyê gel ve rastî eleqeyek mezin hat, bi tililî û çepikan meşa xwe berdewam kirin.

	&nbsp;

	Piştî meşê, girse vegeriya ber bi avahiya HDP'ê û çalakî bi dawî bû.&nbsp;

	&nbsp;

	ÊLIH

	&nbsp;

	Parlamenterên HDP’ê yên Êlihê Feleknas Uca, Ayşe Acar Başaran, Nejdet Îpekyuz, Namzetên Hevşaredariya Êlihê Songul Korkmaz û Sabrî Ozdemîr li navenda bajêr esnafan ziyaret kirin. Esnaf û gel bi kêfxweşî HDP’yan pêşwazî kirin. HDP’yan belavok li gel û esnafan belav kirin û gel vexwendin vekirina buroya hilbijartinê ya dê di 17’ê sibatê de pêk were.&nbsp;

	&nbsp;

	Balkêş bû ku di kêliya HDP’yan xebata hilbijartinê birêve dibirin polîsan ew bi maşîneyên zirxî şopandin.&nbsp;

	&nbsp;

	HESKÎF&nbsp;

	&nbsp;

	Namzetên Hevşaredariya HDP’ê yên Heskîfê Zozan Şîmşek û Mecîd Tokdemîr bi rêveberên HDP’ê re li bazarê esnafan ziyaret kirin. Welatiyan eleqe nîşanî namzetên hevşaredariyê dan û sohbet kirin.&nbsp;

	&nbsp;

	WAN&nbsp;

	&nbsp;

	HDP'ê li navçeya Elbakê ya Wanê bi beşdariya Namzetên Hevşaredariya Wanê Bedîa Ozgokçe û Mustafa Avci, Namzetên Hevşaredariya Elbakê Şengul Polat û Erkan Acar, Hevserokê HDP'a Bajêr a Wanê Umît Dede buroya hilbijartinê vekirin. Gelek welatî beşdarî vekirina buroyê bûn. Di vekirinê de axaftin hatin kirin û namzetan got "Elbak Ya Me Ye" û xwestin gel xwedî li îradeya xwe derkeve.&nbsp;

	&nbsp;

	Piştî axaftinên hatin kirin buro hat vekirin.&nbsp;

	&nbsp;

	QERS

	&nbsp;

	Namzetên Hevşaredariya HDP'ê yên Qersê Ayhan Bîlgen û Şevîn Alaca jî xebatên xwe yên hilbijartinê didomînin. Bîlgen û Alaca li Kolana Ataturkê esnafan ziyaret kirin û guh dan pirsgirêk û daxwazên wan. Esnafan HDP'iyan bi kêfxweşî pêşwazî kirin. Bîlgen û Alaca piştî serdana esnafan çûn taxa Subatan û welatiyan ziyaret kirin.&nbsp;

	&nbsp;

	ERZIROM&nbsp;

	&nbsp;

	Namzetên Hevşaredariya HDP'ê yên Qereçobanê Halît Ogun û Remziye Sonmez jî tevî hewa sar jî xebatên hilbijartinê birêve dibin û gel ziyaret dikin. Ogun û Sonmez îro li taxê nnavçeyê gel û nexweşan ziyaret kirin û li pirsgirêkên welatiyan guhdar kirin.&nbsp;

	&nbsp;