
Wekîlên HDP’ê meşiyan Galatasarayê: Silav li Suleyman Soylu bikin

2019-02-11 13:09:45


	STENBOL – Tevî hemû astengiyên polîsan jî wekîlên HDP’ê ji Qada Taksîmê meşiyan ber Qada Galatasarayê.&nbsp;

	Hevserokên Giştî yên HDP’ê Pervîn Buldan û Sezaî Temellî jî di nav de wekîlên HDP’ê xwestin li dijî tecrîdkirina Rêberê PKK’ê Abdullah Ocalan û piştgiriya çalakiya Hevseroka Kongreya Civaka Demokratîk û Parlamentera HDP’ê Leyla Guven meş li dar bixin. Polîsan meşa HDP’iyan a ji Qada Taksîmê heta Qada Galatasarayê asteng kir.&nbsp;

	&nbsp;

	HDP’YÎ TEVÎ GEFAN JÎ MEŞIYAN

	&nbsp;

	Wekîlên HDP’ê bi daxuyanî û çalakiya rûniştinê astengiya polîsan protesto kirin. Piştî çalakiya rûniştinê wekîlên HDP’ê ji Qada Taksîmê ber bi Qada Galatasarayê bi pankarta “Leyla Guven rûmeta me ye” û tîşortên wêneyê Guven li ser ên bi nivîsa “Bila tecrîd rabe û Leyla bijî” di Kolana Îstîklalê de meşiyan.&nbsp;

	&nbsp;

	SLOGANÊN BO GUVEN BERZ KIRIN&nbsp;

	&nbsp;

	Wekîlên HDP’ê bi berzkirina dirûşmên “Leyla Guven rûmeta me ye”, “Bijî berxwedana zîndana" û "Jin, jiyan, azadî" meşiyan. Hin welatiyan jî piştgirî da parlamenteran. Meşa parlamenteran li ber Qada Galatasarayê ji aliyê polîsan ve hat astengkirin.&nbsp;

	&nbsp;

	Wekîlê HDP’ê yê Stenbolê Mûsa Pîroglu yê bi sandalyeya tekerîk meşiya li Kolana Îstîklalê bertek nîşanî astengiya polîsan da û behsa çalakiya Guven kir.&nbsp;

	&nbsp;

	‘BIÇIN SILAV LI WEZÎRÊ XWE BIKIN’&nbsp;

	&nbsp;

	Di kêliya astengiyê de Parlamentera HDP’ê ya Êlihê Ayşe Acar Başaran axivî û wiha got: “Biçin silav li wezîrê xwe Suleyman Soylu bikin.”&nbsp;

	&nbsp;

	TÎŞORTAN NEDAN&nbsp;

	&nbsp;

	Polîsan xwest tîşortên wêneyê Guven li ser dester bike. Lê parlamenteran bertek nîşan da û tîşortan nedan polîsan.&nbsp;

	&nbsp;

	WEKÎL VÊ CARÊ MEŞIYAN TARLABAŞIYÊ&nbsp;

	&nbsp;

	Piştî astengiya li ber Qada Galatasarayê, parlamenteran vê carê ketin Sûka Balikçilarê û ber bi avahiya Rêxistina HDP’a Stenbolê ya li Semta Tarlabaşiyê ye ve meşiyan. Wekîl bi berzkirina sloganan gihîştin avahiya HDP’ê û ji aliyê welatiyan ve bi çepikan hatin pêşwazîkirin.&nbsp;

	&nbsp;

	Avahiya HDP’ê ji aliyê polîsan ve hat dorpêçkirin.&nbsp;

	&nbsp;

	&nbsp;