
Sîrwan Barzanî: Ger ev herêm têkeve kontrola Tirkiye dê hemû kurd koçber bibin

2019-02-10 21:14:46


	&nbsp;

	NAVENDA NÛÇEYAN - Fermandarê Hêzên Pêşmerge Sîrwan Barzanî diyar kir ku ew lidijî avakirina herêmek bi "ewle" ya li Bakurê Sûryeyê ne û wiha got: "Ger ev herêm bikeve bin kontrola Tirkiyeyê, wê hemû Kurdan koçber bikin.

	&nbsp;

	Fermandarê Hêzên Pêşmerge Sîrwan Barzanî ji kanal El Cezîre re axivî. Barzanî rexne li vekişîna hêzên Amerîka ji Sûriyeyê kir û vê yekê wekî xeletiyek stratejîk binav kir. Barzanî têkildarî herêma bi ewle ya li Bakurê Sûriyeyê jî axivî û diyar kir ku ew li dijî herêmek bi ewle ya li bin kontrola Tirkiye de ne û wiha got: "Erdogan wê vê herêmê ji bo koçberkirina Kurdan bikarbîne. Wekî çawan ku hêzên dewleta Tirkye li Efrînê ev yek bi serê Kurdan anîn."

	&nbsp;

	Sîrwan Barzanî bal kişand ser kontrola Tirkiye û wiha bi dawî kir: "Ger Tirkiye û komên bi ser wê ve derbazî wê herêmê bibe, wê li gel Hêzên Suriya Demokratîk (QSD) şerbikin û wê ev herêm ji herêmek bi ewle vegere herêmek ya şer û dijberiyê."

	&nbsp;

	&nbsp;

	&nbsp;