
Asayîşa Hewlêrê mudaxeleyî çalakiya grevê kirin: 5 kes binçav kirin 

2019-02-06 16:07:27


	HEWLÊR - Asayîşa Hewlêrê îro careke din mudaxeleyî çalakgerên jin yên li ber nûnertiya Neteweyên Yekbûyî (NY) kir û 5 xwendekarên Mexmûrê jî binçav kirin.

	&nbsp;

	Endamên Meclîsa Îştar ku di 30’yê Çileyê de li ber nûnertiya NY ya Hewlêrê, li dijî tecrîdê û bi armanca destekdayîna Hevseroka KCD'ê û Parlamentera HDP'ê ya Colemêrgê Leyla Guven dest bi greva birçîbûnê kiribûn, careke din rastî mudaxeleya asayîşê hatin.&nbsp;

	&nbsp;

	Hêzên Asayîşa Hewlêrê piştî nîvro hatin ber nûnertiya NY û mudaxeleyî kirin. Di mudaxeleyê de hemû tiştên çalakgeran hatin desteserkirin. Her wiha 5 xwendekarên kampa Mexmûrê ku bi armanca destek dayîna hatibûn cihê çalakiyê, hatin binçavkirin.

	&nbsp;

	Tevî mudaxeleyê jî çalakiya jinan berdewam dike.&nbsp;

	&nbsp;

	Asayîşa Hewlêrê di 31’ê Çileyê de jî mudaxelyî çalakgeran kiribûn û konê wan desteser kiribû.&nbsp;

	&nbsp;

	Ji xwendekarên hatine binçavkirin navên 4 kesan wiha ne: Egîd Uren, Orhan Îke, Hisên Tallî û Xebat Mistefa

	&nbsp;