
Buldan: Hûn ji bo desthilatdariya xwe nikarin siyasetmedarê me dîl bigirin 

2017-11-04 14:39:00


	STENBOL – Wekîla Serokê Meclîsa Tirkiyê Pervîn Buldan di salvegera girtina parlamenterên HDP’ê ya di 4’ê mijdarê de axivî û got: “Heke ku hûn dixwazin Tirkiye bigîhîje demokratîkbûnê demildest dawî li bêhiqûqiyan bînin. Hûn nikarin ji bo desthilatdariya xwe bidin meşandin siyasetmedarê me dîl bigirin.”&nbsp;

	Rêxistina HDP’ê ya Stenbolê bi boneya 4’ê mijdarê salvegera yekemîn a girtina parlamenterên HDP’ê li Qada Galatasarayê daxuyaniya çapmeniyê li dar xist. Serokwekîla Meclîsa Tirkiyê Pervîn Buldan, Parlamentera HDP’ê Huda Kaya, Berdevak Meclîsa Jinan a HDP’ê Besîme Konca, rêveberên rêxistinên HDP’ê yên bajêr û navçeyan ên Stenbolê û gelek nûnerên saziyên civaka sivîl beşdar bûn. Di daxuyaniyê de bi hilgirtina dovîzan balê kişandin tecrîda ser Rêberê PKK’ê Abdullah Ocalan.&nbsp;

	&nbsp;

	‘DARBEYA HERÎ MEZIN A LI DIJÎ SIYASETA DEMOKRATÎK E’&nbsp;

	&nbsp;

	Rêvebera HDP’a Stenbolê Hevîn Kinay daxuyanî xwend û diyar kir ku girtina hevserokan û parlamenterên HDP’ê ku di 4’ê mijdara 2016’an de pêk hat wek darbeye derbasî dîroka siyaseta Tirkiyê bû û 4’ê mijdarê di serdema OHAL’ê yek ji darbeyên herî mezin a li dijî siyaseta demokratîk e.&nbsp;

	&nbsp;

	Kinay da zanîn ku mekanîzmayek parlamenteran bi awayek dij hiqûqî bên girtin tune ye û got: “Êrîşa bi awayek hemwext pêk hat delîltiya ku ne operasyonek hiqûqî ye operasyonek siyasiye dide nîşandan. Ji tîrmeha 2015’an vir ve ji 10 hezarî zêdetir rêveber û endamên HPD’ê û pêkhateyên wê hatine binçavkirin. Ji 3 hezarî zêdetir kes jî hatine girtin. Der barê wekîlên HDP’ê de gelek fezleke hatin amadekirin û şandine Serokatiya TBMM’ê.”&nbsp;

	&nbsp;

	'DÊ TÊKOŞÎN BIDOME'

	&nbsp;

	Kinay, anî ziman ku dê tu carî bihiqûqiyan qebûl nekin û wiha got: “Li dijî hemû bêhiqûqiyên heyî emê têkoşîna xwe ya demokrasî û hiqûqê bidomînin. Em ê li dijî ‘Rêveberiya yek zilam’ a dixwaze gelên li Tirkiyeyê mehkumê wî bidin, mîna duh îro jî hêzek xurt danîn holê. Ji bo em hemleyên tesfiyekirina siyaseta demokratîk vale derbixin, em ê têkoşîna xwe ya siyasî û rêxistî bidomînin.” &nbsp;

	&nbsp;

	'BUNUN ADI REHİN ALMADIR'

	&nbsp;

	Piştî axaftina Kinay, Wekîlê Serokê TBMM û parlamentera HDP’ê ya Stenbolê Pervîn Buldan axivî. Buldan, diyar kir ku operasyona 4’ê Mijdarê ne hiqûqî bû û wiha got: “Operasyonek siyasî bû. Bi awayeke vekirî dîl girtin bû. 9 parlamenterên partiyekê ya li Tirkiyeyê ku 6 mîlyon deng girtin, hîna jî dîlgirtîne. Divê demildest ev bêhiqûqî bi dawî bibe û parlementer bên berdan. Ez bang li hikûmetê dikimi ger hûn demokrasiya Tirkiyeyê dixwazin, dawî li vê bêhiqûqiyê bînin. Ji bo hûn desthiladariya xwe li ser piyan bigirin, hûn &nbsp;nikarin siyasetmedarên me dîl bigirin. Ên ku welat anîn vê rewşê, bila baş zanibin, panzehîra aştî û demokrasiyê ya Tirkiyeyê parlamenterên me yên dîl girtîn e. Hîna ne derenge. Pêdiviya welat bi aştiya civakî heye. Ji ber vê yekê dawî li bêhiqûqiyên xwe bînnin.” &nbsp; &nbsp;

	&nbsp;

	'DÊ EW KÊŞTÎ LI BENDERGEHÊ RAWEST E'

	&nbsp;

	Budan, wekîlên girtî silava kir û wiha domand: “Em soz didin hevserokên xwe yên giştî Selahattîn Demîrtaş û Fîgan Yuksekdag, teqez em ê qezenc bikin. Mîna Birêz Demîtaş gotî, dê ew kêştî li bendergehê rawest e. Emê wê kêştiyê bigihînin ber peravên avê.”

	&nbsp;

	DOWÎZA OCALAN HINCETA BINÇAVKIRINÊ YE

	&nbsp;

	Piştî axaftina Buldan, daxuyanî bi berzkirina dirûşmeyên “Temînata aştiyê Ocalan e, heya Ocalan azad neber aştî ne pêkane” û &nbsp;“HDP heviye, hêvî li ser piyaye” bi dawî bû. Piştre rêveberekê ku dowîza “Heya Ocalan azad nebe aştî ne pêkane! Welatekê ku lê aştî nebe, jiyana azad û wekhevî ne pêkan e” hilgirt hat binçavkirin. Polîsan hinceta binçavkirinê dowîz nîşan dan.&nbsp;

	&nbsp;

	&nbsp;

	&nbsp;