
Bernhard Guhl: Tirkiye Zeytûnê Efrînê difiroşe Yekîtiya Ewropayê   

2019-02-04 16:43:49


	&nbsp;

	NAVENDA NÛÇEYAN - Parlamenterê Partiya Demokrat a Muhafazakar a Swedê &nbsp;Bernhard Guhl, mijara Zeytûnên Efrînê anî rojeva parlamentoya Ewropê û diyar kir ku Tirkiye Zeytûnên Efrînê kom dike û bi marka xwe zeytûnan difiroşe Yekîtiya Ewropa (YE).&nbsp;

	&nbsp;

	Tirkiye di 20'ê Çileya 2018'an de li dijî Efrînê operasyona hewayî û bejayî pêk anî. Piştî şerê 58 rojan Tirkiye bi hevkariya TSK û OSO di operasyona balafir, tang, top û hezaran esker ket axa Efrînê û gelê Efrinê ji axa wan derxistin. Piştre yekineyên OSO mal û milkên welatiyan talan kirin. Di demsala havîn û payizê de jî hat diyar kirin ku bi hezaran ton zeytûnên ku ji Efrînê kom kirine bi kamyonan dikişînin Tirkiye. Parlamenterê Partiya Demokrat a Muhafazakar a Swedê &nbsp;Bernhard Guhl, têkildarî Zeytûnên Efrînê pirsname da parlamentoyê. Guhl, diyar kir ku Tirkiye Zeytûnên Efrînê bi marka û navê xwe difiroşe Yekîteya Ewropa. Guhl, ji hikûmeta Yekîtiya Ewropa pirs pirsî û diyar kir ku Zaytûnên Efrînê hatine talankirin û wêrankirin. Guhl, destnîşan kir ku Tirkiye zeytûnên ku talan dike û wêran dike piştî kom dike difiroşe û bi pereyên wan dide militanên ku di şer de piştgirî dane Artêşa Tirkiye. Guhl, da zanîn ku bi awayekî neheq û wekî malê Tirk zeytûnan difiroşe Bazara Yekîtiya Ewropa.&nbsp;

	&nbsp;

	Rojnamegerê Îspanyolê jî &nbsp;cih da pirsnameya Parlamenterê Swêdi Bernhard Guhl û diyar kir ku di encamê de firotina Zeytûnan ya Almanya û Îspanya ne pir girîng e, Ya girîn ewe ku zeytûn tên firotin malê diziyê ye ya na. Ango şîrket, zeytûnên diziyê difiroşin ya na. Divê ev bê lêpirsîn.&nbsp;

	&nbsp;

	WEZÎR MIKUR HATIBÛ&nbsp;

	&nbsp;

	Wezîrê Çandiniyê ji daxuyani dabû û diyar kiribû ku ew naxwazin ev Zeytûn têkevin destê PKK'ê. Ev mijar berê jî weki niqaş hatibû rojeva meclîsa Tirkiye. Wezîrê Daristan û Çandiniyê Bekir Pakdemirlî, gotibû: "Em wekî hikûmet &nbsp;naxwazin zeytûn têkevin destê PKK'ê. Em dixwazin hatina Erfînê têkevin destê me. Ev mafe me ye. Ji ber vê yekê jibo kooperatifên krêdiyê 5 hezar ton zeytûn wekî erk hatiye nivîsandin. Heta niha 600 ton zeytûn ketine Tirkiye. Di rekolteya zeytê de 200 hezar ton zeyt tê axaftin. Ev pir eyb e."&nbsp;

	&nbsp;