
'Mîrê bilûrê' Egîdê Cimo di 87 saliya xwe de koça dawî kir

2019-01-31 19:26:56


	NAVENDA NÛÇEYAN - Hunermend Egîdê Cimo ku wekî 'mîrê bilûrê' tê naskirin li paytexta Ermenîstanê Erîvanê jiyana xwe ji dest da.&nbsp;

	&nbsp;

	Egîdê Cimo ku wekî 'mîrê bilûrê' tê naskirin, di 87 saliya xwe de li paytexta Ermenîstanê Erîvanê jiyana xwe ji dest da.&nbsp;

	&nbsp;

	Cimo ku tevî bilûrê li esntrumanên wekî mey û zirnê jî dixist, di sala 1955'an de li Radyoya Erîvanê li para kurdî dest bi xebatê kir û Kurdistaniyan bi salan ji radyoyê dengê bilûra wî bihîst. Cimo, 35 salan li Radyoya Erîvanê kompozîtorî kir û bi bilûra xwe reng da stranên hunermen Aram Tîgran, dengbêj Şeroyê Biro, Qarapêtê Xaço, Aslika Qadir û gelek hunermendên ekola Sovetê.&nbsp;

	&nbsp;

	Her wiha Cimo, li Enstîtuya Muzîkê ya Romanos û Melîkyan jî xwnediye û di sala 1967'an de bi dereceyeke bilind îcazet girtiye û yek ji wan kesan e ku Qarapêtê Xaço bi Radyoya Erîvanê û kurdan daye naskirin.&nbsp;