Kampanyaya ji bo piştgiriya çalakiya Guven 9 hezar û 430 îmze derbas kir

2019-01-27 09:47:31


	 

	NAVENDA NÛÇEYAN - Ji bo piştevaniya berxwedana Hevseroka KCD’ê Leyla Guven a 81 roj in di greva birçîbûnê de ye, kampanya îmzeyan a navnetewî rastî eleqeyek mezin tê. Kampanyayê 9 hezar û 430 îmze derbas kir. 

	 

	Greva birçîbûnê ya bêdawî û bêdorveger a Hevseroka Kongreya Civaka Demokratik (KCD) û Parlamentera HDP’ê ya Colemêrgê Leyla Guven ji bo rakirina tecrîdkirina Rêberê PKK’ê Abdullah Ocalan daye destpêkirin di roja 81'yan de berdewam dike. Berhxwedana Guven a li Girtîgeha Tîpa E ya Amedê dest pê kir û piştî roja 79'an hat berdan û 3 rojin li male berdewam dike ket roja 81'yemîn.  Rêzeçalakiyên ji bo piştevaniya Guven roj bi roj berbelav dibin. Li ser change.org’ê kampanyaya îmzeyan a navnetewî hat destpêkirin. Kampanya îmzeyan 9 hezar û 430 îmze derbas kir. 

	 

	Di nivîsa kampanyayê de wiha hat gotin: 

	 

	"Dawî li tecrîdê bîne

	81 roj in Leyla Guven di greva birçîbûnê de ye. 

	Leyla Guven di 31’ê Çileya 2018’an de ji ber operasyona li dijî Efrînê rexne kir hat girtin. 

	Di 24’ê Hezîrana 2018’an de wek parlamentera HDP’ê ya Colemêrgê hat bijartin. 

	Ji bo rakirina tecrîdkirina Rêberê Gelê Kurd Abdullah Ocalan di 8’ê Mijdara 2018’an de dest bi greva birçîbûnê ya bêdawî û nedorveger kir. 

	Guven di 25'ê Çileya 2019'an de hat tahliyekirin û 3 rojin li malê berxwedana greva greva birçîbûnê berdewam dike. 

	 

	Lînka kampanyaya îmzeyê wiha ye: 

	 

	https://www.change.org/p/leyla-guven-petition-for-leyla-guven