
Îşkence li girtiyan kirin û avêtin odeya singer 

2017-11-03 16:01:53


	TEKÎRDAG - Hat diyarkirin ku li Girtîgeha Tîpa T a Tekîrdagê, girtiyên kincên yek rengî qebûl nekirin di erdêre kaş kirine û girtiyekê ku li derî xist jî, dest û lingê wî kelepçe kirin û ew avêtin odeya singer.&nbsp;

	Hat îdiakirin ku li Girtîgeha Hejmara 2 a Tîpa F a Tekîrdagê, girtiyê bi navê Ekîn Sabur ê kincên yek rengî qebûl nekir, di erdê re kaş kirin û Hidir Bakir jî ji ber ku li derî xist, dest û linge wî kelepçe kirin, bi erdêre kaş kirin û avêtin odeya singerê. Yagmur Sabur a di 25’ê Cotmehê de çû hevdîtina birayê xwe Ekîn Sabur, diyar kir ku birayê wê ji wê re gotiye ku ew bi dijwarî hatine îşkenckirin. &nbsp;

	&nbsp;

	Sabur anî ziman ku birayê wê nexweşê fitiqa piştê ye û wiha axivî: “Birayê min berçavkê dide ber çavên xwe. Xwestine bi darê zorê kincên yek rengî li birayê min bikin. Birayê min dixwaze berçavka xwe biguherîne, lê 6-7 meh in bersivê nadin vê daxwaza wî. Berî du mehan ji bo bibin nexweşxanê ji hucreyê derxistin û xwestine kincên yek rengî li wî bikin. Ji ber ku birayê min li dijî vê yekê derdikeve, nêzî 300 metreyan di erdê û derenceyan de kaş dikin. Dûre jî 10 gardiyan li wî dixin.”

	&nbsp;

	Sabur, da zanîn ku meheke birayê wê di hucreyê de tê girtin û wiha pê de çû: “Rojê tenê du saetan deriye hucreyê vekirî dihilin û hinek rojan jî qet derî venakin. Mafê pirtûk û kovaran jî bi sînor kirin e.”

	&nbsp;

	AVÊTIN ODEYA SINGER&nbsp;

	&nbsp;

	Sabur, destnîşan kir ku hevalekî birayê wê jî tê îşkencekirin û wiha domand: “Hidir Bakir ê hevalê qawîşa birayê min bi hinceta hişk li deriyan xist, îşkenceyek giran li wî dikin. Hefteya borî jî midur fermanê dide dest û piyên wî girê bidin û bi lêdanê davêjin odeya singer.”&nbsp;

	&nbsp;

	&nbsp;Sabur, di dawiya axaftina xwe de wiha got: “Her roja derbas dibe tecrîdt û îşkence zetir dibe. Em der barê jiyana wan de bi fikar in.”

	&nbsp;