
‘Di hilbijartinê de dê têkoşîna mazluman bi ser bikeve’ 

2019-01-26 15:15:11


	&nbsp;

	AMED – Nazmetên Hevşaredariya HDP’ê yên Erxenî Meryem Yildirim û Ahmet Kaya bi gel hatin danasîn. Ji bo danasînê konvoya wesayîtan li navçeyê geriya.&nbsp;

	&nbsp;

	Rêxistina HDP’ê ya Amedê di çarçoveya xebatên hilbijartina herêmî de namzetên hevşaredariya HDP’ê yên Erxenî Meryem Yildirim û Ahmet Kaya bi şahiyekê ji gel re da nasîn. Namzetên Hevşaredariya HDP’ê yên Bajarê Mezin a Amedê Hulya Alokmen Uyanik û Selçûk Mizrakli, Parlamenterên HDP’ê yên Amedê Remziye Tosun, Îmam Taşçier û Musa Farisogullari û bi sedan welatî beşdar bûn.&nbsp;

	&nbsp;

	Girseya gel di têketina navçeyê de namzetên hevşaredariya xwe pêşwazî kirin. Karwanê wesayîtan a ji dehan wesayît pêk dihat li navenda navçeyê geriya û welatiyan kêfxweşiya xwe ji wan nîşan da. Piştî gera navçeyê derbasî avahiya HDP’ê ya Erxenî bûn.&nbsp;

	&nbsp;

	Girseya li ber avahiyê kom bûbû li ber stranan govend gerandin.&nbsp;

	&nbsp;

	Pişt re Namzetê Hevşaredariya Erxenî Ahmet Kaya xîtabî gel kir û ji gotinên feylezofê kurd Ehmedî Xanî dest bi axaftina xwe kir û got: “Di vê hilbijartinê de mexdûr û nefsmezin dikevin pêşbaziyê. Wê têkoşîna mezluman li dijî zilmdaran bi ser bikeve.”&nbsp;

	&nbsp;

	Namzetê Hevşaredariya Bajarê Mezin a Amedê Selçuk Mizrakli jî got hemû şaredariyên wan qeyûm tayîn kirinê dê şûn ve dîsa bi dest bixin.&nbsp;

	&nbsp;

	&nbsp;