
Li Girtîgeha Kayseriyê hewadariyê qawîşan bi têlan hatin girtin 

2019-01-26 09:13:02


	&nbsp;

	KAYSERÎ - Li Girtîgeha Tîpa T a Jimare 2'yan a Bunyana Kayseriyê, ser hewadariyên qawîşan bi têlna hatin girtin. Her wiha ji ber ev yek prostetokirin cezayê hucreyê li 56 girtiyan hat birîn.&nbsp;

	&nbsp;

	Parêzerên Platforma Hiqûqnasên Azadîxwaz (OHP), li Girtîgeha Tîpa T a Jimare 2'yan a Bunyana Kayseriyê û Girtîgeha Jina ya Kayseriyê hevdîtin bi girtiyan re çêkirin û der barê binpêkirinên mafan ên li girtîgehê rapor amadekirin.&nbsp;

	&nbsp;

	Di raporê de ev tişt hatin gotin:&nbsp;

	&nbsp;

	*Ji aliyê girtîgehê ve ser hewadariyên qawîşan bi têlan hatine girtin. Êdî girtî nikarin hewayê bigirin û tavê bibînin. Ji ber berfê ser têlan qeşa girtiye û bi vî awayî girtî bê hewa mane.&nbsp;

	&nbsp;

	* Girtiyan xwest têl bên rakirin, lê belê ji ber vê daxwaza wan li 56 girtiyan cezayê hucreyê hat birîn.&nbsp;

	&nbsp;

	* Her wiha îdareya girtîgehê li qawîşan kamera bi cih kirine û girtî 24 saetan tên şopandin.&nbsp;

	&nbsp;

	* Radyoyên girtiyan ên ji wan hatin stendin nadin wan.&nbsp;

	&nbsp;

	* Mafê girtiyan ê sohbetê hatiye binpêkirin. Her wiha nikarin daxilî atolyeyan jî bibin.&nbsp;

	&nbsp;

	* Rojnameya Yenî Yaşamê bi awayekî rêk û pêk nadin girtiyan.&nbsp;

	&nbsp;

	* Her wiha nahêlin girtî nameyan jî ji hevalên xwe yên li qawîşên din re bişînin.&nbsp;

	&nbsp;

	* Di qanûnê de mafê hevdîtina vekirî saetek e, lê belê girtîgehê ev daxistiye 45 deqîqeyan.&nbsp;

	&nbsp;

	* Nahêlin girtî di qawîşê de lepikan têxind estên xwe û kumik bidin serê xwe. Lepik û kumikên girtiyan ên di depoyê de nadin girtiyan.&nbsp;

	&nbsp;

	LI GIRTÎGEHA JINA YA KAYSERIYÊ&nbsp;

	&nbsp;

	* Girtî aboneyên rojnameya Yenî Yaşamê ne, lê belê rojnameyê nadin wan.&nbsp;

	&nbsp;

	* Bêyî hincetek bê nîşandan, radyoyên girtiyan ên di depoyê de nadin wan.&nbsp;

	&nbsp;

	* Di meha Kanûnê de, ji ber malbatên girtiyan di dema hevdîtinê de dirûşmeya 'Jin, Jiyan, Azadî' berz kirin, 2 meh cezayê hevdîtinê li 5 girtiyan hat birîn. Her wiha emniyetê jî ji bo îfadeyê gazî malbatan kiriye û gef li malbatan xwariye.&nbsp;

	&nbsp;

	MA / Berivan Altan&nbsp;

	&nbsp;