
Rêxistinên hiqûqê: Tecrîda li Îmraliyê li dijî qanûn e

2019-01-25 16:15:04


	&nbsp;

	STENBOL – Rêxistinên hiqûq û mafên mirova têkildarî tecrîda li Îmraliyê û grevên birçîbûnê yên li girtîgehan didomin daxuyanî dan û gotin: “Înfaz û tecrîda li Îmraliyê li dijî qanûn e. Divê demil dest dawî li tecrîdê bê anîn.”&nbsp;

	&nbsp;

	Platforma Hiqûqnasên Azadîxwaz (OHP), Komeleya Hiqûqnasên Azadîxwaz (ÇHD) a bi KHK’ê hat girtin, Ji Bo Demokrasiyê Hiqûqnas (DÎH), Komeleya Mafên Mirova (ÎHD), Parêzerên Beşdar, Parêzerên Azadîxwaz ên Demokrat (TOHAV), têkildarî tecrîdkirina Rêberê PKK’ê Abdullah Ocalan û grevên birçîbûnê li avahiya Şaxa ÎHD’ê ya Stenbolê civîna çapemeniyê li dar xistin.&nbsp;

	&nbsp;

	'GUVEN LI DIJÎ NENASÎNA QANÛNÊ CANÊ XWE DANÎ HOLÊ’&nbsp;

	&nbsp;

	Li ser navê saziyan parêzer Yildiz Îmrek daxuyanî xwend. Îmrek diyar kir ku Leyla Guven li dijî bêhiqûqiyê û nenasîna qanûn a desthilatdariyê canê xwe daniye holê. Îmrek da zanîn ku çalakiya Leyla Guven gihîştiye asta sînorê mirinê û got: “Leyla Guven li dijî têcrîdkirina Ocalan, pêkanînên li Îmraliyê û rejîma veguheriye Guantanamo û ji bo balê bikişîne ser bêhiqûqiya li ser mirovan mafê xwe yê jiyanê daniye holê.”&nbsp;

	&nbsp;

	‘REJÎMA ÎMRALIYÊ LI DIJÎ QANÛNÊ YE’&nbsp;

	&nbsp;

	Îmrek destnîşan kir ku rejîma înfaza li Îmraliyê li ser Ocalan pêk tê li dijî qanûnan û hiqûqê ye û got: “Bi qasî ku înfaz û tecrîda li Îmraliyê li dijî qanûnê ye, di heman demê de li dijî Dadgeha Destûra Bingehîn û hemû peymanên navnetewî ye. Em jî wek Leyla Guven difikirin û bila demil dest malbat, parêzer û wasiyê wî hevdîtin pêk bê. Astengkirina hevdîtinê li dijî qedexeyan e.”&nbsp;

	&nbsp;

	&nbsp;