Demîrtaş: Ez bi sedemên siyasi girtî me

2019-01-25 13:51:43


	 

	ENQERE – Danişîna doza Hevserokê Giştî yê HDP'ê yê berê Selahattin Demirtaş ku girtî tê darizandin berdewam kir. Demîrtaş diyar kir ku bi sedemên siyasî girtî ye û berdana xwe xwest. Danişîna doza Demîrtaş, taloqî 22-25'ê Nîsanê kir. 

	 

	Danişîna doza Hevserokê Partiya Demokratik a Gelan (HDP) yê berê Selahattin Demirtaş ku girtî tê darizandin li 19'emîn Girtîgeha Cezayên Giran a Enqereyê ya li kampusa Girtîgeha Sincanê di roja 3'emîn de berdewam kir. Demîrtaş ku li Girtîgeha Tipa F a Edîrneyê bi rêya SEGBİS'ê tev li danişinê bû. Di danişînê de gelek parêzerên Demirtaş û nasnameyên cuda amade bûn. Parlamenterên HDP’ê Mehmet Rüştü Tiryaki, Abdullah Koç û parlamenterê HDP'ê yê berê Nihat Akdogan û Hamit Geylanî jî tev li danişînê bûn. 

	 

	‘EZ TAHLIYEYA XWE DIXWAZIM'

	 

	Demirtaş, di danişînê de mafê parastinê xwest û diyar kir ku ew bi sedemên siyasî girtî ye û xwest serbest bê berdan û wiha got: "Ez bi sedemên siyasî girtî me. Tu delîl tune. Ez tahliyeya xwe dixwazim." 

	 

	Dozger jî piştî parastinê xwest Demîrtaş girtî bê darizandin. Heyeta dadgehê jî piştî parastina Demîrtaş û îdîayên dozger biryar da û berdewama girtina Demîrtaş da. Heyetê doz taloqî 24-25'ê Nîsana 2019'an kir.