Rojnameger Kemal Ozer hat berdan 2019-01-21 16:06:02   DERSIM – Nuçegihanê Rojnameya Evrenselê Kemal Ozer ê 16 meh e girtî bû hat berdan.    Danişîna 5’emîn a doza nuçegihanê Rojnameya Evrenselê Kemal Ozer ê 16 meh e ku bi îdiaya “Endamê rêxistinê ye” girtîbû li 1’emîn Dadgeha Cezayê Giran a Dersimê hat dîtin. Ji Ozer ji 7 sal û nîvan heta 15 salan cezayê hepsê dihat xwestin. Gelek kes beşdarî danişînê bû. Rojnameger Ozer sûcên li ser xwe red kir û berdana xwe xwest. Parêzerê Ozer jî xwest miwekîlê wî bê berdan.    Piştî parastinan heyeta dadgehê bi şertê kontrola edlî biryara berdana Ozer da û danişînê taloqî 11’ê adarê kir.