
Ciwanên HDP'î ji bo Guven meşiyan

2019-01-20 20:54:13


	AMED - Komek endamên Meclîsa Ciwanan a HDP'ê ya Amedê bi armanca piştgiriyê bidin çalakiya Leyla Guven meşek li dar xistin. Ciwanan bi dirûşmeyen xwe dengê xwe li nava kolanên taxê belav &nbsp;kir û bala welatiyên taxê kişandin ser xwe.&nbsp;

	&nbsp;

	Meclîsa Ciwanên HDP'ê ya Amedê bi armanca piştgiriyê bidin çalakiya Leyla Guven a greva birçibûnê ya bêdem û bêdorveger, meşek meşaleyî pêk anîn. Meclîsa Ciwanên Amedê bi şîara "#LeylaLiBerxweDideCiwanDimeşin" meşek girseyî pêk anîn. Meclisa ciwanan li ser hesabê xwe yê twîtterê yê bi @HDPGencMeclisi dîmenên çalakiyê belav kirin. Ciwanan di meşê de dirûşmeya "Daxwaza Leyla daxwaza ciwanan e" û "Bila tecrîdkirina Ocalan bi dawî bibe" "Leyla Guven Rûmeta me ye", "Bijî berxwedana Zindana", "Bê serok jiyan nabe" "Ciwan fedaiyên Apo ne" berz kirin.&nbsp;

	&nbsp;

	ÇALAKIYA GUVEN 74 ROJ LI PEY XWE HIŞT&nbsp;

	&nbsp;

	Greva birçîbûnê ya bêdawî û nedorveger a Hevseroka Kongreya Civaka Demokratik (KCD) û Parlamentera HDP’ê ya Colemêrgê Leyla Guven ji bo rakirina tecrîdkirina Rêberê PKK’ê Abdullah Ocalan 74 roj li pey xwe hişt. Çalakiya Guven a li Girtîgeha Tîpa E ya Amedê berdewam dike. &nbsp;Rêzeçalakiyên ji bo piştevaniya Guven roj bi roj berbelav dibin. Li ser change.org’ê kampanyaya îmzeyan a navnetewî hat destpêkirin. Kampanya îmzeyan di nava 24 saetan de 3 hezar îmze derbas kir.&nbsp;

	&nbsp;