
Rewşa perwerdehiyê perîşan e 

2019-01-18 15:41:10


	&nbsp;

	NAVENDA NÛÇEYAN – Şaxên Egîtîm Senê têkildarî nîv serdema perwerdehiyê ya 2018-2019’an raporên nirxandinê aşkere kirin û di raporan de hat gotin rewşa perwerdehiyê li Tirkiyeyê perîşan e.&nbsp;

	&nbsp;

	Şaxa 2’yem a Egîtîm Senê ya Amedê têkildarî nîv serdema perwerdehiyê ya 2018-2019’an rapora nirxandinê aşkere kir. Egîtîm Senê li avahiya xwe bi civînekê rapor aşkere kir. Sekretera Jinan a Şaxê Zeynep Kaya raporê xwend. Kaya diyar kir ku seranserî dîroka komarê heta niha pergala perwerdehiyê civakê dike yek û polîtîkaya pişaftinê li pêş dixe. Kaya got her destilatdariya tê û welat birêve dibe dixwaze civakek ji bo wan biat bike biafirîne.&nbsp;

	&nbsp;

	Kaya anî ziman ku bi sed hezaran xwendekar serdemek din a bêperwerdehiya zimanê dayikê xelas kirin û li her bajarekî ji her 10 îdarevanan 9 kes ji wan endamên sendîkaya alîgir in. Kaya destnîşan kir ku hevjîna Qeymeqamê Sûrê yê wek qeyûm tayînî Şaredariya Sûrê kirini, kirine Midûra Şaxa Miduriyeta Perwerdehiya Netewî ya Navçeyê.&nbsp;

	&nbsp;

	Kaya da zanîn ku desthilatdariya AKP’ê û wezîrên wê yên perwerdehiyê pergala perwerdehiyê bi pirsgirêkên nayên çareserkirin re hiştiye û di dewama axaftina xwe de bal kişand ser îxrackirina mamoste û akademîsyenan. Kaya got li Tirkiyeyê rewşa perwerdehiyê halê perîşan e.&nbsp;

	&nbsp;

	WAN

	&nbsp;

	Şaxa Egîtîm Senê ya Wanê jî têkildarî nîv serdema perwerdehiyê ya 2018-2019’an rapora nirxandinê li avahiya xwe bi civînek çapemeniyê aşkere kir. Sekreterê Şaxê Orhan Buran raporê aşkere kir û bal kişand ser pirsgirêk perwerdehiyê û got ew ê ji bo mafê perwerdehiya demokratîk têkoşînê bikin. &nbsp;

	&nbsp;