
Ciwanên HDP’ê li Peyasê meclîsa xwe îlan kir

2019-01-17 16:54:40


	&nbsp;

	AMED – Ciwanên HDP’ê li navçeya Peyasa Amedê meclîsa xwe ava kirin. Meclîsê diyar kir ku di bingeha xebatên wan de bidawîkirina tecrîdkirina Rêberê PKK’ê Abdullah Ocalan heye.&nbsp;

	&nbsp;

	Meclîsa Ciwanan a HDP’ê ya navçeya Peyasa Amedê li avahiya rêxstinê bi şahiyekê avakirina xwe da îlankirin. Parlamentera HDP’ê ya Amedê Dersim Dag jî beşdarî şahiya ciwanan bû û rêz hat girtin.&nbsp;

	&nbsp;

	Endama Meclîsa Ciwanan a HDP’ê ya Peyasê Narîn Donmez daxuyanî da û bal kişand ser pêvajoya li welêt û got: “Gelê me û ciwan bi polîtîkayên qirkirin û konsepta şerê qirêj re hevrû ne. Her ku diçe tecrîdkirina rêberê gelan Birêz Abdullah Ocalan kûr dikin û ev rewş li hemû girtîgehan belav dibe. Ev rewş dibe sedem ku me arasteyî têkoşînê dike. Em ê wek ciwanên HDP’yî li dijî her cûre polîtîkayên dewletê yên li dijî ciwanan bibin alternatîf û xebatên çandî, hunerî û rêxistinî bi rêve bibin. Em ê ciwanên xwe ji bin bandora polîtîkayên qirêj rizgar bikin.”&nbsp;

	&nbsp;

	JI BO RAKIRINA TECRÎDÊ DÊ BIXEBITIN&nbsp;

	&nbsp;

	Donmez anî ziman ku Meclîsa Ciwanan dê bi xebatên xwe bingehîn li dijî tecrîdkirina Rêberê PKK’ê Abdullah Ocalan derkeve û bang li her kesî kir ku li dijî tecrîdê derkevin.&nbsp;

	&nbsp;

	Piştî îlankirina Meclîsê ciwanan dirûşmên “Leyla Guven rûmeta me ye” û “ “Bijî berxwedana zîndanan” berz kirin û çalakiya Hevseroka KCD’ê Leyla Guven û girtiyên din silav kirin.&nbsp;

	&nbsp;

	PANEL PÊK HAT&nbsp;

	&nbsp;

	Piştî daxuyaniyê bi beşdariya Parlamentera HDP’ê Dersim Dag, mamosteyê MED-DER’ê &nbsp;Adil Ercan û rêveberê Şaxa SES’ê Mahfuz Karaaslan panela bi mijara “Di pêwendiya asimilasyona çandî rastiya civakê” li dar xistin. Di panelê de li ser polîtîkayên tenduristiya civakê, mafê perwerdehiya zimanê dayikê û asîmîlasyonkirina zimanê Kurdî axaftin hatin kirin.&nbsp;

	&nbsp;

	Piştî panelê şahî bi govend gerandinê bi dawî bû.&nbsp;