
Di doza Ozgur Gundemê de kes nehat berdan 

2019-01-17 11:18:39


	&nbsp;

	STENBOL &nbsp;- Danişîna doza rojnameya Ozgur Gundemê hat dîtin. Xwediyê Îmtiyazê yê Rojnameyê Kemal Sancili ku girtî dihat darizandin nehat berdan. &nbsp;

	&nbsp;

	11'emîn danişîna doza Gerînendeyên Giştî yên Rojnameya Ozgur Gundemê ya bi KHK'ê hat girtin ku Asli Erdogan û Necmiye Alpay jî di navde 9 rojnameger tên darizandin, li 23'emîn Dadgeha Cezayên Giran a Stenbolê hat dîtin. Di dozê de tenê Xwediyê Îmtiyazê yê rojnamê Kamal Sancili girtî tê darizandin. Sancili, bi SEGBÎS’ê ji Girtîgaha Tîpa F a Edîrneyê û Midûrê Karê Nivîsê Înan Kizilkaya beşdarî danişînê bûn.&nbsp;

	&nbsp;

	Piştî danasîna nasnameyê Kemal Sancili, parastin kir û got: “Qeydên têkildarî materyalên dîjîtal ne gihiştin min. Ji ber vê ji bo amadekirina parastinê ez dem dixwazim. Ez dixwazin rewşa girtina min bê nirxandin û tehliyeya xwe dixwazim.” Parêzerê Sancili Ozcan Kiliç jî xwest muwekîlê wî bê berdan.&nbsp;

	&nbsp;

	DANIŞÎN HAT TALOQKIRIN&nbsp;

	&nbsp;

	Dozger darbarê danişînê de mutala da û xwest girtina Sancili &nbsp;berdewam bike. &nbsp;Şandeya dadgehê daxwaza berdana Sancili red kir û danişîn taloqî 10’ê Nîsan kir.&nbsp;

	&nbsp;