
‘Wêneyê Dayikên Şemiyê jî heye?’

2019-01-15 10:51:47


	STENBOL – Polîsan bi ser mala Huseyîn Eser de girt. Di serdegirtina ku Eser ne li mal bû polîsan bi hêceta "hêmana sûc" salnameya kurdî, belgeya ku ji Enstîtûya Kurdî wergirtiye û wêneyên xizmê wî û dest danîn ser.&nbsp;

	Li taxa Haciahmet ya navçeya Beyogluya Stenbolê polîsan duh nîvê şevê bi ser mala ciwanê bi navê Huseyîn Eser de girt. Polîsan demek li malê lêgerîn pêk anî û eşyayên malê serûbin kir. Polîsan dest danî ser salnameya kurdî û belgeya spasnameyê ya Enstîtûya Kurdî ya Stenbolê ku dabû Eser. Hat zanîn ku polîsan bi hêceta ku salname û belge sûc e destser kirine.&nbsp;

	&nbsp;

	Her wiha polîsan dest danî ser wêneyên xizmên Eser ên ku li gundê Sumer ê Mêrdînê di dîrokên cuda de jiyana xwe ji dest dan û wek “hêmana sûc” dîtin. Polîsan wêneyê kalikê Eser yê di 1992’an de bi kiryarê ne diyar ku li Mêrdînê hat kuştin û li dîwar daliqandibû pirsî. Dema polîsan rastiya wêne hîn bûn balkêş bû vê pirsê jî kirin “Wêneyên Dayikên Şemiyê jî heye?”

	&nbsp;

	Polîsan got dê salname, belgeya spasname û wêneyên desteser kirin e dê binêrin ka sûc çêdike an na.&nbsp;

	&nbsp;

	Ji ber Eser ne li malê bû nehat binçavkirin. Polîs piştî serdegirtinê ji malê veqetiyan.&nbsp;

	&nbsp;