
Di medya civakî de ji bo Leyla Guven kampanya piştgiryê    

2019-01-06 21:30:38


	NAVENDA NÛÇEYAN - Hevseroka KCD'ê Leyla Guven ku li dijî tecrîdkirina Rêberê PKK'ê Abdullah Ocalan ketiye greva birçîbûnê ya bêdem û bêdorveger 60 roj li pey xwe hişt. Di tora medya civakî de di roja 60'emîn de ji bo Hevseroka KCD'ê Leyla Guven kampanya piştgiriyê hat destpêkirin.&nbsp;

	&nbsp;

	Hevseroka Kongreya &nbsp;Civaka Demokratîk (KCD) û parlamentera HDP'ê ya Colemêrgê Leyla Guven bi armanca tecrîdkirina Rêberê PKK'ê Abdullah Ocalan bi dawî bibe, Ocalan azad bibe û rêya çareseriye demokratîk û aştiyê vebe di 8'ê mijdarê de li Girtîgeha tîpa E ya Amedê dest bi greva birçibûnê kiriye, 60 roj li pey xwe hişt. Îro di roja 60'emîn de di tora medya civakî de bikarînerên medya civakî, dest bi kampanya #LeylaGuvenÎçin / #JiboLeylaGuven kirin û piştgiriyê dan çalakiya Leyla Guven.&nbsp;

	&nbsp;

	&nbsp;

	TEMELLÎ PEYAMA KURDÎ DA&nbsp;

	&nbsp;

	Di serî de Hevserokê Giştî yê HDP'ê Sezaî Temellî, Parazvanê Mafên Mirovan Akin Bîrdal û gelek hunermend û siyasetmedar jî di navde piştgirî dan çalakiya Leyla Guven. Temellî, di peyama medya civakî de got “Leyla kî ye? Leyla berxwedan e!” û piştgirî da çalakiya Leyla.&nbsp;

	&nbsp;

	Parazvana Mafên Mirovan û Seroka Vakfa Mafê Mirovan a Tirkiye Prof. Dr. Şebnem Korur Fincanci jî di parvekirina medyade wiha got: “#JiboLeylaGuven em deng bilind bikin. #LeylaGuven60Rojin di grevê de ye"&nbsp;

	Hunermend8 Ferhat Tunç jî di parvekirinê de got “Tecrît sûcê mirovahiyê ye. Rakirina vî sûcî bixwazin. Tenduristiya #LeylaGuven ketiye rewşek xeter... #JiboLeylaGuven"&nbsp;

	&nbsp;

	&nbsp;

	&nbsp;