
Ji bo Kelekçîler bangî dadgehê kirin: Serbest berdin

2019-01-05 15:24:58


	STENBOL - Parêzvanên mafên mirovan di çalakiya “Rûniştina F” a hefteya 354’emîn de balkişandin ser rewşa girtiyê nexweş Ugûr Selman Kelekçîler û bang li dadgehê kirin ku Kelekçîler di danişîna wî ya dê &nbsp;di 14’ê Çile de bê dîtin de, berdin.&nbsp;

	Komîsyona Girtîgehan a Şaxa Komeleya Mafên Mirova (ÎHD) a Stenbolê, di hefteya 354’emîn ji bo balê bikişînin ser rewşa girtiyên nexweş li ber avahiya ÎHD’ê ya li Taksîmê çalakiya “Rûniştina F” li dar xistin. Parlementerê Partiya Demokratîk a Gelan (HDP) ê Mûsa Pîroglu û gelek parazvanên mafên mirovan beşdarî çalakiyê bûn. Di çalakiyê de wêneyên girtiyên nexweş hatin hilgirtin û pankarên “Mafê dermankirinê nayê asteng kirin” û “Bila girtiyên nexweş bên berdan” hatin vekirin. Parazvanên mafên mirovan di çalakiya vê heftê de, bal kişandin ser rewşa girtiyê nexweşîna giran ê şizofrenê û ji sedî 45 rapora wî ya astengdariyê heyî Ugûr Selman Kelekçîler.&nbsp;

	&nbsp;

	‘BI SEDAN GIRTIYÊN NEXWEŞ HENE’

	&nbsp;

	Endamê Desteya Rêveberiya ÎHD’ê yê Stenbolê Ferît Barût, daxuyaniya vê heftê xwend û wiha got: “Bi sedan girtiyên nexweş hene. &nbsp;Ligel ku raporên wan ên ‘nikarin di girtîgehê de bimînin’ ên ATK’ê jî &nbsp;hene dîsan nayên berdan û terkî mirinê hene kirin. Yek ji van girtiyên nexweş Ugûr Selman Kelekçîler e. Kelekçîler di sala 1989’an de li Amedê hat dinê û di dema lîsê de dest bi tedawiya nexweşiya derûnî dike. Nexweşiya giran a şizofrenê û ji sedî 45 rapora Kelekçîler a astengdariyê heye. &nbsp;Kelekçîler ji bo nexweşiya xwe ne dikarî bixebite û ji bo ku debara xwe bike li Sanayî ya Amedê sîmît difirotin. Kelekçîler di 28’ê Adara 2018’an de, di operasyona li dijî Çapxaneya Gun de bi îdîaya ‘Endamtiya rêxistinê û propagandeya rêxistinê kirin’ hat binçavkirin û girtin.&nbsp;

	&nbsp;

	‘WEKE MIRIYEKÊ DIJIYE’

	&nbsp;

	Barût, anî ziman ku Kelekçîler ê birin Girtîgeha Tîpa L a Hejmara 5 a Sîlîvrî weke miriyekê ku dijiye û wiha bilêv kir: “Her roja diçe rewşa wî xerabtir dibe. Êdî zirarê dide xwe û kesên derdûra xwe. Parêzerên wî yên xwestine parastina wî pêre amede bikin jî, nekarine hevdîtinek bi tendurist bikin.” &nbsp;

	&nbsp;

	BANG LI ŞANDEYA DADGEHÊ KIRIN&nbsp;

	&nbsp;

	Barût, da zanîn ku Kelekçîler, bi awayekê bêhiqûqî bi mehane di girtîgehê tê girtin û wiha bi dawî kir: “Em bang li şandeya dadgehê dikin ku Kelekçîler berde. Danişîna Kelekçîler dê di 14’ê Çile de li 26’emîn Dadgeha Cezayê Giran a Stenbolê bê dîtin û em dixwazin di vê danişînê de bê berdan.”

	&nbsp;

	Piştî axaftina Barût, daxuyanî bi berzkirina dirûşmeyên “Bila Ugûr Selman Kelekçîler bê berdan” û “Tecrît dikuje, piştevanî mezin dike” bi dawî bû.&nbsp;