
Doza ‘Nelirêtiya qeyûm’ li Rojnameger Sûr hat vekirin

2017-10-31 16:27:38


	&nbsp;

	NAVENDA NÛÇEYAN – Rojnameger Sedat Sûr ji ber ku der barê Şaredariya Bajarê Mezin a Mêrdînê de nûçeya “Nelirêtiya qeyûm” çêkiribû bi angaşta “Propagandaya rêxistinê kiriye” doz lê hatibû vekirin. Dê rûniştina dozê di 26’ê çile 2018’an de li Îzmîrê bê dîtin.&nbsp;

	&nbsp;

	Rojnameger Sedat Sûr ji ber ku der barê xebatên qeyûmê tayînî Şaredariya Bajarê Mezin a Mêrdînê de nûçe çêkiribû dê derkeve pêşberî dadgehê. Sûr di 14’ê çileya 2017’an de bi sernavê “Nelirêtiya qeyûm” çêkiribû. Dozgeriya Komarê ya Mêrdînê der barê Sûr de lêpirsîn dabû destpêkirin û di meha tîrmehê de îfade dabû. Piştî lêpirsînê dozgeriyê der barê Sûr de bi angaşta “Propagandaya rêxistinê kiriye” angaştname amade kir. &nbsp;

	&nbsp;

	Dadgehê angaştnameyê qebûl kir. Rojnameger Sûr dê di 26’ê çileya 2018’an de li Dadgeha Cezayê Asliyê ya 26’emîn a Îzmîrê derkeve pêşberî dadger.&nbsp;

	&nbsp;