
ATK: Kûrkût bi guleya li erdê ket û pengizî hatiye kuştin 

2018-12-19 09:05:28


	&nbsp;

	AMED – Saziya Tiba Edlî der barê mirina Kemal Kûrkût ku polîsan ew kuşt de rapor amade kir û derpêş kir ku Kûrkût bi guleya pêşî li erdê ketiye û paşê li canê wî ketiye jiyana xwe ji dest daye.&nbsp;

	&nbsp;

	&nbsp;

	Di pîrozbahiya Newroza 2017'an a Amedê polîsê bi navê Y.Ş. xwendekarê zanîngehê Kemal Kûrkût kuştibû. Saziya Tiba Edlî (ATK) der barê kuştina Kûrkût de raorek amade kir û rapor gihaşt ber destê Dadgeha Cezayê Giran a 7'an a Amedê.&nbsp;

	&nbsp;

	Rapora ATK'ê ya li ser daxwaza Serdozgeriya Komarê ya Amedê hat amadekirin, beyana polîsê bersûc Y.Ş. ku gotibû "min berê çeka xwe dabû erdê û berda bû" piştrast dike, lê belê beyana wî ya ku dibêje min Kûrkût nekuştiye jî diderewîne. Di raporê de hat derpêşkirin ku guleya Kûrkût pê miriye, pêşî li erdê ketiye û paşê li Kûrkût ketiye.&nbsp;

	&nbsp;

	Di raporê de hat destnîşan kirin ku guleya li Kûrkût ketiye hinavên wî zêde texrîb kiriye û ji ber vê xwîn jê çûye. Her wiha di raporê de hat gotin ku lêkolîna balastîkî ay demnaçeyê nehatiye kirin.&nbsp;

	&nbsp;

	Piştî rapora ATK'ê wê danişîna doza Kûrkût sibê li Dadgeha Cezayê Giran a 7'an a Amedê pêk bê.&nbsp;