
Dadgeha Rihayê ceza li siyasetmedaran barand 

2018-12-17 13:56:08


	&nbsp;

	RIHA – Li Hevşaredarê Xelfetiyê Mustafa Bayram ê qeyûm tayînî şûna wî hat kirin 9 sal 4 meh û 15 roj cezayê hepsê hat birîn. Heman ceza li siyasetmedarên bi Bayram re dihatin darizandin jî hat birîn.&nbsp;

	&nbsp;

	Li ser fermana Wezareta Karê Hundir qeyûm tayînî Şaredariya Navçeya Xelfetî ya Rihayê hatibû kirin û Hevşaredar Mustafa Bayram jî di nav de gelek siyasetmedar hatibûn girtin. Di doza siyasetmedaran de cezayê hepsê li wan barandin. Bi îdiaya “Endamtiya rêxistinê”, “Propaganda rêxistinê” û “Li dijî qanûna xwepêşandanan muxalefetkirin” doz siyasetmedaran hatibû vekirin. Danişîna 5’emîn a doza siyasetmedaran li 6’emîn Dadgeha Cezayê Giran a Rihayê hat dîtin.&nbsp;

	&nbsp;

	4 jê girtî 6 siyasetmedar tên darizandin. Hevşaredar Mustafa Bayram, Hevseroka HDP’a Rihayê ya berê Leyla Akça, rêveberên HDP’ê yên berê Avî Gurbuz û Mehmet Bînîcî di danişînê de amade bûn. Gelek parêzeran doz şopandin.&nbsp;

	&nbsp;

	Endamê PM’ê yê HDP’ê Îsmaîl Kaplan û Hevserokê DBP’a Bêrecûkê yê berê Ahmet Kiliç ên ne girtî tên darizandin beşdarî danişînê nebûn. Danişîn bi tespîta nasnameyan dest pêk ir.&nbsp;

	&nbsp;

	Siyasetmedaran di parastina xwe de diyar kirin ku îdiayên jê tên sûcdarkirin hemû xebatên partiyên siyasî ne, ev jî nabe sedema sûc û berata xwe xwestin.&nbsp;

	&nbsp;

	Parêzeran jî parastina miwekîlên xwe kirin û berata wan daxwaz kirin.&nbsp;

	&nbsp;

	Heyeta dadgehê piştî navberek kûrt bi îdiaya “Endamê rêxistinê ye” 9 sal 4 meh û 15 roj cezayê hepsê li Mustafa Bayram, 9 sal û 10 meh ceza li Mehmet Bînîcî, 7 sal û 16 meh ceza li Leyla Akça, 7 sal û&nbsp;21 meh ceza li Avnî Gurbuz birî û dewama girtina wan da.&nbsp;

	&nbsp;

	Dadgehê 7 sal û 6 meh cezayê hepsê li Îsmaîl Kaplan jî birî û biryar da ku dosyeya Ahmet Kiliç jî ji dosyeya giştî bê veqetandin.&nbsp;

	&nbsp;