
Demîrtaş: Civaka Tirkiyeyê dê bigîhîje daraza bêalî 

2018-12-15 15:44:21


	RIHA – Hevserokê HDP’ê yê berê Selahattîn Demîrtaş name şand çalakiya Baroya Rihayê û got: “Têkoşîna hiqûqê dê civaka Tirkiyeyê ya heq kiriye bigîhîne darazek bêalî, serbixwe û demokratîk.”&nbsp;

	Baroya Rihayê di çarçoveya Hefteya Mafên Mirova de li avahiya xwe konferans li dar xist. Gelek parêzer û parêzvanê mafên mirovan beşdarî konferansê bûn. Axaftina vekirinê Serokê Baroya Rihayê Abdullah Oncel kir û diyar kir ku binpêkirina mafên mirova ya herî şênber biryara Dadgeha Mafên Mirova ya Ewrûpa (DMME) ya ji bo Hevserokê HDP’ê yê berê Selahattîn Demîrtaş dabû ye.&nbsp;

	&nbsp;

	DEMÎRTAŞ: HIQÛQ DI BIN ÊRÎŞÊN GIRAN DE YE&nbsp;

	&nbsp;

	Hevserokê Giştî yê HDP’ê yê berê Selahattîn Demîrtaş ê li Girtîgeha Tîpa F a Edîrneyê girtî ye name şand konferansê. Serokê Baroyê Abdullah Oncel peyama Demîrtaş xwend. Peyama Demîrtaş wiha ye: “Ez hemû beşdarvanên konferansê silav dikim û baroyê pîroz dikim. Serdestiya hiqûqê li welêt di bin êrîşên giran de ye. Welêt her roj ji dewleta qanûn û hiqûqê tê dûrxistin. Ez jî di wê baweriyê de me dê Baroya Rihayê û hemû hevpîşeyên min xwedî li hiqûqê û mafên mirovan derkevin. Têkoşîna hiqûqê dê civaka Tirkiyeyê ya heq kiriye bigîhîne darazek bêalî, serbixwe û demokratîk.”

	&nbsp;

	Piştî peyama Demîrtaş rûniştinên panelê ya yekemîn û duyemîn pêk hat.&nbsp;

	&nbsp;