
Xizmên windayan xwest Komîsyona Lêkolîna Heqîqetê bê avakirin 

2018-12-15 15:10:06


	AMED / ÊLIH – Xizmên windayan û Şaxên ÎHD’ê yên Amed û Êlihê di çalakiyên xwe yên hefteane de xwestin Komîsyona Lêkolîna Heqîqetan û Hevrûbûnê ya Berê bê avakirin.&nbsp;

	Şaxa Komeleya Mafên Mirova ya (ÎHD) a Amedê û Xizmên Windayan di hefteya 514’emîn de çalakiya “Bila winda bên dîtin û kiryar bên darizandin” li avahiya komeleyê dewam kir. Parlamentera HDP’ê Remziye Tosun, Serokê Rêxistina CHP’a Amedê Mehemt Sayin, Dayikên Aştiyê û gelek kes beşdarî çalakiyê bûn.&nbsp;

	&nbsp;

	Daxuyaniya vê hefteyê rêveberê Şaxa ÎHD’ê ya Amedê Parêzer Hasan Yalçin xwend. Yalçin qebûlkirina Beyanameya Gerdûnî ya Mafên Mirova ya ji aliyê Neteweyên Yekbûyî ve bi bîr xist û salvegera vê rojê ya 70 sal berê îro li Tirkiyeyê bi xemgînî tê pêşwazkirin. Yalçin dayik û malbatên windayan ên gorek wan jî nîne vê hefteya beyanemaya mafên mirovan bi dilek xemgîn pêşwazî dikin. Yalçin da zanîn ku ji salên 80 û 90’î vir ve gelek desthilatdarî hatin guhertin lê di warê dîtina windayan û kiryaran de tu gavek erênî nehat avêtin. Yalçin got têkoşîna wan a ku kiryaran aciz bike didome û daxwaza xizmên windayan a bila kiryar bên darizandin didome.&nbsp;

	&nbsp;

	Yalçin destnîşan kir ku ew daxwaza xwe ya Komîsyona Lêkolîna Heqîqetê ya Hevrûbûnê ya Berê dubare dikin û bila ev komîsyon bê avakirin û di dewama daxuyaniyê de ji bo mafên mirovan daxwazên divê rayedar bibersivînin rêz kir.&nbsp;

	&nbsp;

	Rêvebera Navenda Giştî ya KESK’ê Elîf Çuhadir jî di çalakiyê de axivî û got daxwaza Dayikên Şemiyê daxwaza wan e û ew ê wek KESK’ê li pey şopa vê daxwazê bin.&nbsp;

	&nbsp;

	Piştî axaftina Çuhadir çalakî bi dawî bû.&nbsp;

	&nbsp;

	ÊLIH&nbsp;

	&nbsp;

	Xizmên Windayan û Şaxa ÎHD’ê ya Êlihê jî bi heman armancê di hefteya 420’emîn de li avahiya komeleyê çalaki li dar xist û li aqûbeta windayan pirsî. Gelek kes beşdarî çalakiyê bûn û piştgirî dan xizmên windayan. Hevserokê Şaxa ÎHD’a Êlihê Parêzer Devran Yildiz di çalakiyê de axivî û destnîşan kir ku ew ê tevî hemû astengî û qedexeyan jî dev ji lêgerîna aqûbeta windayan bernedin.&nbsp;

	&nbsp;

	Rêveberê ÎHD’a Êlihê Ercan Başar jî daxuyanî xwend û li aqûbeta Aydin Ay yê di sala 1993’an de hat windakirin pirsî.&nbsp;

	&nbsp;

	Daxuyanî bi çalakiya rûniştinê ya 5 deqîqeyan bi dawî bû.&nbsp;

	&nbsp;