
Li Wanê koma nû greva birçîbûnê dewr girt 

2018-12-12 12:49:41


	&nbsp;

	WAN – Li Wanê bi armanca rakirina tecrîdkirina Rêberê PKK’ê Abdullah Ocalan çalakiya greva birçîbûnê hatibû destpêkirin, îro komek nû çalakiyê dewr girt.&nbsp;

	&nbsp;

	Hevseroka Kongreya Civaka Demokratîk (KCD) Leyla Guven bi armanca tecrîdkirina Rêberê PKK’ê Abdullah Ocalan 35 roj e di çalakiya greva birçîbûnê de ye. Girtiyên ji doza PKK’ê û PAJK’ê bi heman daxwazê li girtîgehan dest bi çalakiya greva birçîbûnê kiribûn û didome. Rêxistina HDP’a Wanê jî bi boneya rakirina tecrîdê çalakiya greva birçîbûnê da destpêkirin didomîne. Îro komek nû çalakiyê dewr girt.&nbsp;

	&nbsp;

	Hevşaredara navçeya Artemêtanê Rojbîn Sevîl Çetîn li ser navê çalakgeran axivî û got: “Birêz Leyla Guven 35 roj e di greva birçîbûnê de ye. Tecrîd sûcek mirovahiyê ye. Nêzî 4 salan tecrîda mutleq li ser Birêz Ocalan tê meşandin. Birêz Guven bi daxwaza tecrîd rabe û hevdîtinên li gel Birêz Ocalan dest pê bikin çalakî dest pê kir. Em jî li derve bi armanca piştgiriya çalakiyê dikevin greva birçîbûne. Her çiqas mudadexeleyî çalakiyê hat kirin û hevalên me hatin binçavkirin jî dê zext nikaribin me bitirsînin. Daxwaz Birêz Guven daxwaza me ye.”&nbsp;

	&nbsp;

	Piştî daxuyaniyê komê dest bi çalakiyê kir û gelek welatî hatin ziyareta çalakgeran.&nbsp;

	&nbsp;

	Li aliyê din dayikên extiyar jî di nav de 14 aktîvîstên TJA’yê yên li Wanê hatibûn binçakvirin hêj li Miduriyeta Polîsan a Wanê tên ragirtin û çalakiya xwe dewam dikin.&nbsp;

	&nbsp;