
Polîsan dest danî ser kompûtera serlêdanên namzetiyê 

2018-12-11 15:58:22


	&nbsp;

	ÊLIH – Derket holê ku duh di serdegirtina polîsan a avahiya HDP’a Êlihê de polîsan dest daniye ser kompûtera serlêdanên bernamzetiya hilbijartinên herêmî ku têde qeydkirî bûn e.&nbsp;

	&nbsp;

	Rêxistina HDP’ê ya Êlihê li dijî binçavkirina 29 rêveberên HDP, aktîvîstên TJA û Dayikên Aştiyê ku dest bi greva birçîbûnê kiribûn daxuyanî û operasyonê şermezar kir. Civîna li avahiya HDP’ê pêk hat. Endam û rêveberên HDP’ê beşdarî daxuyaniyê bûn.&nbsp;

	&nbsp;

	Alîkarê Hevserokên Rêxistina HDP’a Êlihê Mahîr Beklevîç di civînê de axivî û diyar kir ku rêxistina wan bûye hedefa zextên polîsan û ev operasyon li ser fermana îtîfaqa AKP û MHP’ê pêk tên. Beklevîç got: “Hevalên me yên di binçavan de têkoşîna xwe dewam dikin. Em ê têkoşîna xwe bênavber dewam bikin û teqez em ê bi ser bikevin.”&nbsp;

	&nbsp;

	'AKP BI ZEXTÊN LI SER PARTIYA ME DESTHILATDARIYA XWE DIPARÊZ E’&nbsp;

	&nbsp;

	Rêveberê HDP’ê Îkram Îrgî jî daxuyanî xwend û destnîşan kir ku bi tecrîdkirina giran a Rêberê PKK’ê Abdullah Ocalan li Tirkiyeyê krîz û alozî zêdetir dibe û got: “Her ku diçe tundî berbelav dibe. AKP bi boneya desthilatdariya xwe serî li van rêbazên faşîst dide. Kesê wek wan nafifikirin her kesî ‘terorîst’ îlan dikin û her kesî dixin girtîgehan. Hemû beşên civakî bi birçîbûnê terbiye dikin. Bajaran xera dikin û miriyan ji gorên wan derdixin. Di destpêka roja Hefteya Mafê Mirovan a Gerdûnî de ev pêkanînên dij mirovane pêk tê.”&nbsp;

	&nbsp;

	DEST DANÎN SER KOMPÛTERÊ&nbsp;

	&nbsp;

	Îrgî anî ziman ku di serdegirtina avahiya wan de polîsan dest daniye ser kompûtera serlêdanên bernazmetiya hilbijartinên herêmî têde qeydkirîbûne. Îrgî herî dawî got divê daxwaza Leyla Guven bê qebûlkirin û çalakiyên di vî warî de dê mezintir bikin û bersiv bidin zextên li ser partiya wan.&nbsp;