
Li girtîgehan çalakiya greva birçîbûnê di roja 9’emîn de ye 

2018-12-05 12:42:37


	&nbsp;

	ÎZMÎR – Çalakiya greva birçîbûnê ya girtiyan a li dijî tecrîdkirina Rêberê PKK’ê Abdullah Ocalan di roja 9'emîn de ye.&nbsp;

	&nbsp;

	Hevseroka KCD’ê û Parlamentera HDP’ê ya Colemêrgê Leyla Guven li dijî tecrîdkirina Rêberê PKK’ê Abdullah Ocalan çalakiya greva birçîbûnê dabû destpêkirin û piştî vê biryara Guven girtiyên ji doza PKK’ê û PAJK’ê yên li girtîgehên Tirkiyeyê jî di 27’ê Mijdarê de dest bi çalakiya greva birçîbûnê bêdawî û dorveger kiribûn. Çalakiya girtiyan jî di roja 9’emîn didome.&nbsp;

	&nbsp;

	Li girtîgehên 8 bajarên herêm Egeyê çalakiya greva birçîbûnê dewam dike.&nbsp;

	&nbsp;

	Li gorî agahiyên malbatên girtiyan der barê çalakiyên li girtîgehan dan wiha ne:

	&nbsp;

	* Li Girtîgeha Jimara 1 û 2’an a Tîpa F ya Kiriklar 3 girtî di çalakiyê de ne. Ji koma ewil Savaş Ozer, Mashar Guler û Fettulah Demirtaş dest bi greve kirin.&nbsp;

	&nbsp;

	* Li Girtîgeha Jimara 3’an Tîpa T a Şakranê ji 18 girtiyan 6 girtî di çalakiyê de ne.&nbsp;

	&nbsp;

	* Li Girtîgeha Jimara 4’an Tîpa T a Şakranê 5 girtî dest bi çalakiya greva birçîbûnê kirin.&nbsp;

	&nbsp;

	* Li Girtîgeha Jinan a Şakranê li 4 qawîşan jinek girtî dest bi greve kirin.&nbsp;

	&nbsp;

	* &nbsp;Li Girtîgeha Tîpa T a Menemenê bi dehan girtî çalakiya greva birçîbûnê didomînin. Nehat zanîn ku çend kes di çalakiyê de ne.&nbsp;

	&nbsp;

	* Li Girtîgeha Kepsût a Balikesîrê Îbrahîm û Kamûran Poyraz ên birayê hev 9 roj in di çalakiyê de ne.&nbsp;

	&nbsp;

	* Li Girtîgeha Tîpa T a Burhaniyeya Balikesîrê girtiyên jin ji 10 rojan carek dê dorveger kesek çalakiyê dewam bike.&nbsp;

	&nbsp;

	* Li Girtîgehên Tîpa E û M yên Muglayê kom bi kom dest bi çalakiyê kirin e.&nbsp;

	&nbsp;

	* Li Girtîgeha Tîpa T a Manîsayê ji girtiyên siyasî 4 girtiyan çalakiya greva birçîbûnê didomînin.&nbsp;

	&nbsp;