
Wekîlên HDP’ê yên di grevê de ne: Em hemû bi hev re tecrîdê bişkînin 

2018-12-05 11:20:10


	NAVENDA NÛÇEYAN – Parlamenterên HDP’ê yên bi daxwaza “daxwaza wê daxwaza me ye” yên ji bo piştgiriya çalakiya Leyla Guven ketin greva birçîbûnê gotin: “Ya me bibe serkeftinê berxwedan e, em hemû tecrîdê bi hev re bişkênin.”&nbsp;

	Hevseroka KCD’ê û Parlamentera HDP’ê ya Celemêrgê Leyla Guven li dijî tecrîdkirina Rêberê PKK’ê Abdullah Ocalan 28 roj e li Girtîgeha Tîpa E ya Amedê di çalakiya greva birçîbûnê de ye. Bi heman daxwazê girtiyên ji doza PKK’ê û PAJK’ê jî girtî ne 9 roj e di çalakiya greva birçîbûnê de ne.&nbsp;

	&nbsp;

	Lig elek bajaran parlamenterên HDP’ê ji bo binoneya piştgiriya çalakiya Leyla Guven a li dijî tecrîdê ketin çalakiya greva birçîbûnê. Li Êlih, Amed, Riha, Mêrdîn û Stenbolê parlamenterên HDP’ê yên di çalakiyê de ji ajansa me re axivîn.&nbsp;

	&nbsp;

	TIRYAKÎ: DI CÎHANÊ DE MÎNAKEK WIHA NÎNE&nbsp;

	&nbsp;

	Parlamenterê HDP’ê yê Êlihê Ruştu Tiryakî: Li tu devera cîhanê tecrîdek wiha nîne. Divê demildest dawî li tecrîdê bînin. Çalakî pêl bi pêl berbalav dibe.&nbsp;

	&nbsp;

	BAŞARAN: EM Ê BIGÎHÎJIN SERKEFTINÊ&nbsp;

	&nbsp;

	Parlamentera HDP’ê ya Êlihê Ayşe Acar Başaran: Divê her kes xwedî li daxwaza birêz Guven derkeve. Divê hemû civakên li Tirkiyeyê piştgiriyê bidin dengê Guven. Em bi têkoşîna xwe bawerin û em ê bi ser bikevin. Ev daxwaza bi milyonan e û bila demildest dawî li tecrîdê bînin.&nbsp;

	&nbsp;

	GUZEL: BERXWEDAN DÊ SERKEFTINÊ BÎNE&nbsp;

	&nbsp;

	Parlamentera HDP’ê ya Amedê Semra Guzel: Heta tecrîd ranebe em ê çalakiyên xwe dewam bikin. Wê têkoşîn û berxwedana me tecrîdê bişkênê. Ya me bibe serkeftinê berxwedan e.&nbsp;

	&nbsp;

	MAÇÎN: JI BO ÇARESERIYÊ DIVÊ TECRÎD RABE&nbsp;

	&nbsp;

	Parlamenterê HDP’ê yê Rihayê Nusrettîn Maçîn: Ji bo çareseriya pirsgirêka kurd û şer bi dawî bibe divê demildest tecrîd bi dawî bibe.&nbsp;

	&nbsp;

	SURUCU: NAVNÎŞAN OCALAN E&nbsp;

	&nbsp;

	Parlamentera HDP’ê ya Rihayê Ayşe Surucu: Rêberê Gelê Kurd birêz Abdullah Ocalan navnîşana çareseriya pirsgirêka kurd e. Tekane rêya çareseriyê rakirina tecrîdê ye.&nbsp;

	&nbsp;

	ÇELÎK: ÇARESERIYA HERÎ BAŞ PARADÎGMA OCALAN E&nbsp;

	&nbsp;

	Parlamenterê HDP’ê yê Mêrdînê Tuma Çelîk: Tecrîdkirina li ser Rêberê Gelan Abdullah Ocalan sûcê li dijî mirovahiyê ye. Çareseriya herî hêja û baş paradîgma Birêz Ocalan e.&nbsp;

	&nbsp;

	GUNAY: EM TECRÎDÊ BIŞKÊNIN&nbsp;

	&nbsp;

	Parlamentera HDP’ê ya Mêrdînê Ebru Gunay: Divê em daxwaza Leyla Guven bêxwedî nehêlin. Em deng bidin çalakiyê û tecrîdê bişkênin.

	&nbsp;

	OLUÇ: AŞTÎ TÊ TECRÎDKIRIN&nbsp;

	&nbsp;

	Parlamenterê HDP’ê yê Stenbolê û Berdevkê HDP’ê Saruh Oluç: Tecrîdkirina Birêz Ocalan sûcê li dijî mirovahiyê ye. Tecrîdkirina Birêz Ocalan tecrîdkirina têkoşîna aştî û demokrasiyê ye. Tecrîd bandorek neyînî li ser gelê kurd û gelên Tirkiyeyê dike.&nbsp;

	&nbsp;

	CANBAZ: DAXWAZA WÊ DAXWAZA ME YE

	&nbsp;

	Parlamentera HDP’ê ya Stenbolê Dilşat Canbaz: Daxwaza Leyla Guven daxwaza me ye.&nbsp;

	&nbsp;

	KAYA: GUVEN BÛ PÊŞENG&nbsp;

	&nbsp;

	Parlamentera HDP’ê ya Stenbolê Huda Kaya: Leyla Guven ji bo pêvajoyek nû pêşengiyê kir. Pêvajoya demokratîkbûnê û çareseriyê li Îmraliyê ye. Li Îmraliyê ne şer aştî tê xwestin.&nbsp;

	&nbsp;

	KENANOGLU: LI SER GELAN BANDOR DIKE&nbsp;

	&nbsp;

	Parlamenterê HDP’ê yê Stenbolê Alî Kenanoglu: Tecrîda li Îmraliyê li ser hemû gel û baweriyên Tirkiyeyê dike. Divê temildest tecrîdkirin bê rakirin. Pêwîste pêvajoya çareseriyê dest pê bike. Em ê hemû bi hev re tecrîdê bişkênin.&nbsp;

	&nbsp;

	&nbsp;

	&nbsp;

	&nbsp;